ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათა ფაკულტეტი, ჟან მონეს კათედრის „უფრო ახლოს ევროპასთან“ ორგანიზებით, აჭარის ავტონომიურ რესპუბლიკაში დასაქმებულ საჯარო მოხელეებსა და ადვოკატებს/იურისტებს, ასევე დაინტერესებულ პირებს იწვევს საზაფხულო ტრენინგში „ევროკავშირის კონკურენციის სამართალი“ მონაწილეობის მისაღებად, რომელიც გაიმართება 2025 წლის 2-5 ივლისს ქ. ბათუმი. ტრეინინგს წარუძღვება ჟან მონეს კათედრის ხელმძღვანელი პროფ. სოლომონ მენაბდიშვილი, ასევე თბილისის საქალაქო სასამართლოს მოსამართლე, სამართლის დოქტორი თამარ ლაკერბაია და საქართველოს ეროვნული ბანკის კონკურენციის განყოფილების ხელმძღვანელი სოფიო მომცელიძე.
ტრეინინგი მოიცავს 32 საათს. ადვოკატებისათვის საქართველოს ადვოკატთა ასოციაციის მიერ მოხდება 32 კრედიტის აღიარება ასოციაციისათვის ტრეინინგში მონაწილეობის შესახებ სერტიფიკატის წარდგენის საფუძველზე.
საზაფხულო ტრეინინგის ფარგლებში განხილული იქნება ევროკავშირის კონკურენციის სამართლის შემდეგი საკითხები: კონკურენციის სამართალის წარმოშობა, მისი მიზნები, ეკონომიკური აგენტების შეთანხმებული მოქმედებები (კარტელები), კარტელის პასუხისმგებლობისაგან განთავისუფლების პირობები, ეკონომიკური აგენტების მიერ დომინანტური მდგომარეობის ფლობა, დომინანტური პოზიციის ბოროტად გამოყენება, კონცენტრაციები, სახელმწიფო დახმარებები, ინტელექტუალური საკუთრების მიმართება კონკურენციის სამართალთან, კონკურენციის სააგენტოს უფლებამოსილება, ჯარიმები და სანქციები, თანამშრომლობის პროგრამა და სხვა მნიშვნელოვანი საკითხები.
ყველა განაცხადის წარდგენა უნდა განხორციელდეს არა უგვიანეს 2025 წლის 20 ივნისისა ვებგვერდზე მოცემული სარეგისტრაციო ფორმის მეშვეობით.
შევსებული ფორმა გადმოგზავნეთ შემდეგ მისამართზე - smenabdishvili@bsu.edu.ge სათაურის ველში მიუთითეთ „საზაფხულო ტრეინინგი CEU”
დღის წესრიგი
ტრენინგ კურსთან დაკავშირებით ნებისმიერი შეკითხვით შეგიძლიათ დაუკავშირდეთ ჟან მონეს კათედრის “უფრო ახლოს ევროკაშირთან” ხელმძღვანელს პროფ. სოლომონ მენაბდიშვილს: smenabdishvili@bsu.edu.ge
აპლიკაცია განცხადება დღის წესრიგი| უკან |
