ბსუ-ში ,,Erasmus+“-ის საინფორმაციო დღე გაიმართა. ღონისძიების ფარგლებში ეროვნული ოფისის კოორდინატორი საქართველოში, მარიამ სულაშვილი პროფესორ-მასწავლებლებს შეხვდა და იმ შესაძლებლობებზე ისაუბრა, რომელსაც პროგრამა უმაღლეს საგანმანათლებლო დაწესებულებებსა და პერსონალს სთავაზობს.
შეხვედრის მონაწილეებმა ინფორმაცია მიიღეს ,,Erasmus+“-ის დაფინანსების მექანიზმებზე, პროექტების განხორციელების სტრატეგიებსა და საუკეთესო პრაქტიკებზე, რაც მათ დაეხმარებათ განაცხადების მომზადებასა და განხორციელებაში.
საინფორმაციო დღის ფარგლებში, მარიამ სულაშვილი ასევე შეხვდა ბსუ-ს რექტორს, ტიტე აროშიძეს. შეხვედრაზე განიხილეს ბათუმის შოთა რუსთაველის სახელმწიფო უნივერსიტეტის ჩართულობა ,,Erasmus+“-ის პროგრამაში, პარტნიორობის გაღრმავების შესაძლებლობები და საერთაშორისო თანამშრომლობის მომავალი გეგმები.
| უკან |
