სტუდენტთა და ახალგაზრდა მეცნიერთა კონფერენცია ,,აჭარა, მდგრადი განვითარება, მომავალი..."

გარემოს დაცვის საერთაშორისო დღეს მიეძღვნა შოთა რუსთაველის სახელმწიფო უნივერსიტეტისა და აჭარის ა.რ. გარემოს დაცვისა და ბუნებრივი რესურსების სამმართველოს ორგანიზებით გამართული სტუდენტთა და ახალგაზრდა მეცნიერთა კონფერენცია ,,აჭარა, მდგრადი გავითარება, მომავალი...". კონფერენცია მიზანად ისახავდა მდგრადი განვითარების საკითხებში სტუდენტ-ახალგაზრდობის ცნობიერების დონის განსაზღვრას, ამაღლებასა და ამ მიმართულებით მათი საქმიანობის სტიმულირებას. ახალგაზრდა მეცნიერებმა მოხსენებები ეკოლოგიის, ბიოლოგიისა და ტურიზმის სექციებში წარმოადგინეს, რომლებიც კრებულის სახით უკვე დაიბეჭდა. სამეცნიერო სესიის დასრულების შემდეგ სტუდენტებმა მტირალას ეროვნული პარკი დაათვალიერეს.