ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს საბუნებისმეტყველო მეცნიერებათა და ჯანდაცვის ფაკულტეტის ქიმიის დეპარტამენტის პროფესორის ირინა ბეჟანიძის გარდაცვალები გამო და სამძიმარს უცხადებს ოჯახს, კოლეგებსა და სტუდენტებს.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბსუ-ს ასოცირებული პროფესორის, მეცნიერისა და მრავალი თაობის აღმზრდელის, მედიცინის მეცნიერებათა დოქტორის, ზურაბ ჩომახაშვილის გარდაცვალების გამო. მას ეკუთვნის 100-ზე მეტი სამეცნიერო ნაშრომი, მათ შორის 7 მონოგრაფია და ოთხი სახელმძღვანელო. იგი იყო აქტიური წევრი სხვადასხვა პროფესიული ასოციაციის, მათ შორის საქართველოს ონკოლოგთა, ჰეპატოლოგთა, ანატომთა და ჰისტოლოგთა საზოგადოებების.

ბსუ საერთაშორისო ასოციაციის AMEE (Association for Medical Education in Europe) წევრი გახდა. AMEE (Association for Medical Education in Europe) წარმოადგენს ერთ-ერთ ყველაზე ავტორიტეტულ და კომპეტენტურ საერთაშორისო ორგანიზაციას ჯანდაცვის პროფესიული განათლების სფეროში. ორგანიზაცია აერთიანებს მსოფლიოს წამყვან აკადემიურ დაწესებულებებს, ექსპერტებსა და პრაქტიკოსებს სამედიცინო, მედიკოსთა განათლებისა და ჯანდაცვის მეცნიერებების მიმართულებით.

ბსუ-ს ბელგიის ლუვენის უნივერსიტეტის ემერიტუს-პროფესორი, ევროპის ორგანოთა ტრანსპლანტაციის ასოციაციის (ESOT) და ღვიძლის ტრანსპლანტაციის საერთაშორისო ასოციაციის (ILTS) პრეზიდენტი იან ლერუტი ეწვია. ცნობილი ტრანსპლანტოლოგი ბსუ-ს რექტორს ტიტე აროშიძეს, საბუნებისმეტყველო მეცნიერებათა და ჯანდაცვის ფაკულტეტის დეკანს, რუსუდან ხუხუნაიშვილს და ამ მიმართულების წამყვან პროფესორ-მასწავლებლებს შეხვდა. ვიზიტის ფარგლებში მან ასევე დაათვალიერა უნივერსიტეტის ინფრასტრუქტურა და სამედიცინო მიმართულების ლაბორატორიები.

ბათუმის შოთა რუსთაველის სახელმწიფო უნივერსიტეტი აცხადებს კონკურსს მედიცინის საგანმანათლებლო პროგრამის მე-4 და მე-5 სასწავლო წლის სტუდენტებისთვის გერმანიაში, ფრაიბურგის საუნივერსიტეტო კლინიკაში ქირურგიის მიმართულებით სტაჟირების გავლის მიზნით.