ფაკულტეტის სტუდენტებისთვის ჩატარდა საინფორმაციო შეხვედრა/ვორქშოფი მომავალი დედებისთვის თემაზე – „ინფორმირებული დასაწყისი: დედების გაძლიერება ჯანსაღი დასაწყისისთვის“. შეხვედრის მიზანი იყო მომავალი დედებისა და მათი ოჯახების გაძლიერება მტკიცებულებებზე დაფუძნებული ინფორმაციით, რაც ხელს შეუწყობს მშობიარობის პროცესში გააზრებული და ინფორმირებული გადაწყვეტილებების მიღებას. ინიციატივა მიმართული იყო არასაჭირო საკეისრო კვეთის პრევენციისკენ და დედისა და ბავშვის ჯანმრთელობის დაცვის გაუმჯობესებისკენ.

ბსუ-ს საბუნებისმეტყველო მეცნიერებათა და ჯანდაცვის ფაკულტეტმა გაცვლითი პროგრამის ფარგლებში, საერთაშორისო მობილობით 2025-2026 სასწავლო წლის შემოდგომის სემესტრში, კ. ზუბანოვის სახელობის აკტობეს რეგიონალური (ყაზახეთის) სახელმწიფო უნივერსიტეტის სტუდენტებს: აუტაიევა აიგერიმ აბილკაიარკიზს და მუსინ ადილ ასიხანოვიჩს უმასპინძლა.

9 დეკემბერს, „ერასმუს+”-ის გაცვლითი პროგრამის ფარგლებში, პოლონეთის ბიალისტოკის ბიოსამედიცინო მეცნიერებათა უნივერსიტეტის ასისტენტ პროფესორი მაგდალენა ლევონოვსკა შეხვდა მედიცინის საგანმანათლებლო პროგრამისა და ფიზიკური მედიცინისა და სამედიცინო რეაბილიტაციის საგანმანათლებლო პროგრამის სტუდენტებს.

ბათუმის შოთა რუსთაველის სახელმწიფო უნივერსიტეტის 2025 წლის სტუდენტური პროექტების კონკურსში გამარჯვებული პროექტის - „მოძრავი ქიმიური ლაბორატორია“ - დასკვნითი ღონისძიება გაიმართა, რომლის მიზანს ქიმიის პოპულარიზაცია წარმოადგენდა.

ახალგაზრდობის რეგიონული ცენტრის ორგანიზებით გაიმართა „ასტრონომიული ბანაკი“, რომელშიც მონაწილეობდნენ ძირითადად აჭარის რეგიონის მოსწავლეები. ბანაკის სასწავლო პროგრამა მომზადებული იყო ბათუმის შოთა რუსთაველის სახელმწიფო უნივერსიტეტის ასოცირებული პროფესორების - იზოლდა ჯაბნიძისა და ინგა დიასამიძის - ხელმძღვანელობით.