ბიოლოგიის დეპარტამენტში ჩატარდა ქეთევან დოლიძისა და მარინა ნაგერვაძის ციტოლოგიისა ზოგადი ჰისტოლოგიის სახელმძღვანელოების წარდგენა. სახელმძღვანელოები შედგენილია ბიოლოგიის საუნივერსიტეტო საბაკალავრო საგანმანათლებლო პროგრამის შესაბამისად და ძირითადად განკუთვნილია უნივერსიტეტის ბიოლოგიური და ჯანდაცვის მიმართულების სპეციალობათა სტუდენტებისათვის. წარმოდგენილი სახელმძღვანელოები შედგენილია მრავალწლიან პედაგოგიურ გამოცდილების საფუძველზე.
ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის, გეოგრაფიის სპეციალობის პროფესორ-მასწავლებლებმა დედამიწის დღე აღნიშნეს. ღონისძიების ფარგლებში, მათ უმასპინძლეს ბათუმის მე-7, მე-14, მე-15, მე-17, 29-ე საჯარო სკოლებისა და სკოლა „იმედის“ მოსწავლეებს, რომლებმაც წარმოადგინეს მოხსენებები და ნახატები დედამიწის თემატიკით.
ბსუ-ს რექტორი, ტიტე აროშიძე და საბუნებისმეტყველო მეცნიერებათა და ჯანდაცვის ფაკულტეტის დეკანი, რუსუდან ხუხუნაიშვილი ბაუ ბათუმის საერთაშორისო უნივერსიტეტს ეწვივნენ და უნივერსიტეტის რექტორს თეა მიქელაძეს და ადმინისტრაციის წარმომადგენლებს შეხვდნენ. ვიზიტის ფარგლებში დაათვალიერეს ბაუ ბათუმის ინფრასტრუქტურა, განიხილეს არსებული თანამშრომლობა და განათლების სფეროში ერთობლივი ინიციატივების განვითარების პერსპექტივები. შეხვედრის შედეგად დაიგეგმა ერთობლივი სასწავლო-სამეცნიერო პროექტების განხორციელება, რაც კიდევ უფრო გააძლიერებს ორ უნივერსიტეტს შორის აკადემიურ კავშირებს.
15 აპრილს, ქალაქ ბათუმის შპს განათლება სკოლა იმედში დედამიწის დღისადმი მიძღვნილი ღონისძიება გაიმართა, რომლის მიზანს საბუნებისმეტყველო საგნების პოპულარიზაცია წარმოადგენდა. ღონისძიება უნივერსიტეტის მესამე მისიის ფარგლებში განხოციელდა და მასში მონაწილეობდნენ ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტის ქიმიის დეპარტამენტის ხელმძღვანელი, პროფესორი მაია ვანიძე, მოწვეული მასწავლებელი თამილა გოგიტიძე და ქიმიის სპეციალობის მეორე კურსის სტუდენტები: კახა კოტრიკაძე და ანა ჯინჭარაძე, რომლებმაც მოსწავლეების ჩართულობით ჩაატარეს სახალისო ქიმიური ექსპერიმენტები. შეხვედრა სკოლის მოსწავლეებისთვის როგორც შემეცნებითი, ასევე ინტერაქციული ხასიათის იყო დიდი ინტერესი გამოიწვია.
ბათუმის შოთა რუსთაველის სახელმწიფო უნივერსიტეტში გარემოს ეროვნული სააგენტოსა და ასოცირებული პროფესორის გუგული დუმბაძის ორგანიზებით, გაიმართა სამუშაო შეხვედრა ევროკავშირის მიერ დაფინანსებული პროექტის BS-SEOS „შავი ზღვის ჭკვიანი საზღვაო გარემოსდაცვითი შედეგების სისტემა“ ფარგლებში. პროექტი მიზნად ისახავს შავი ზღვის ეკოსისტემების მდგრადი მართვის ხელშეწყობას, ეკოლოგიური კავშირების გაძლიერებასა და ადგილობრივი მოსახლეობის კეთილდღეობაზე ზრუნვას.
