20-24 მაისს, ერაზმუს+-ის აკადემიური პერსონალის გაცვლითი პროგრამის ფარგლებში პოლონეთში, კროსნოს სახელმწიფო კოლეჯში იმყოფებოდა ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასისტენტ პროფესორი გუგული დუმბაძე. პროფესორმა გუგული დუმბაძემ ერთი კვირის განმავლობაში ლექციები ჩაატარა ბაკალავრიატისა საგანმანათლებლო პროგრამის სტუდენტებისთვის შემდეგ საკითხებზე: გარემოს (ჰაერი, ნიადაგი, წყალი დაბინძურება) დაბინძურება, როგორც გლობალური ეკოლოგიური პრობლემა; საქართველოს ეკოლოგიური პრობლემები; გარემოს ტოქსიკანტები, ადამიანში მათი შეღწევის გზები და ზემოქმედების ეფექტები; Haliomorpha halys, როგორც ინვაზიური მავნებელი მწერი საქართველოში.

ბიომრავალფეროვნების საერთაშორისო დღე საბუნებისმეტყველო მეცნიერებათა და ჯანდაცვის ფაკულტეტის პროფესორ-მასწავლებლებმა და სტუდენტებმა სხვადასხვა ღონისძიებით აღნიშნეს. ბიომრავალფეროვნების შენარჩუნების ორი გზა არსებობს: In situ კონსერვაცია და ex situ კონსერვაცია. ღონისძიების ფარგლებში მაჭახელას ეროვნული პარკის ბუნებრივი რესურსების მთავარმა სპეციალისტმა მარადი იაკობაძემ და ვიზიტორთა მომსახურების სპეციალისტმა ნანა ბაუჟაძე სტუდენტებს გააცნეს „მაჭახელას ეროვნული პარკის მრავალფეროვნება“, როგორც In situ კონსერვაციის მაგალითი. ასევე მოეწყო ექსპედიცია ბათუმის ბოტანიკურ ბაღში, სადაც სტუდენტებს ადგილობრივი ფლორისა და კონსერვაციის განყოფილების სპეციალისტმა მაია დარჩიძემ გააცნო „ამიერკავკასიის ტენიანი სუბტროპიკების განყოფილების მრავალფეროვნება“, როგორც ex situ კონსერვაციის მაგალითი.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის დიპლომირებული მედიკოსის პროგრამის სტუდენტებმა მონაწილეობა მიიღეს აკაკი წერეთლის სახელმწიფო უნივერსიტეტის მედიცინის ფაკულტეტის მიერ ორგანიზებულ სტუდენტთა VIII რესპუბლიკური სამედიცინო სამეცნიერო კონფერენციაში. მომავალმა მედიკოსებმა სამეცნიერო მოხსენებები წარადგინეს მედიცინის აქტუალურ საკითხებზე. ბსუ-ს სტუდენტის რაჯნეეშ ხურანას ნაშრომმა პირველი ადგილი მოიპოვა და საუკეთესო მოხსენების ავტორს სიმბოლური საჩუქარი გადაეცა.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის პროფესორ-მასწავლებლებმა ნინო ლომთათიძემ, მარინე გვიანიძემ და გარემოს ეროვნული სააგენტოს ატმოსფერული ჰაერის, წყლისა და ნიადაგის ანალიზის ლაბორატორიის ბათუმის ლაბორატორიის მთავარმა სპეციალისტმა ირინე ბარამიძემ ბათუმის ცენტრალურ პარკში ღია საჯარო ლექცია წაიკითხეს თემაზე: „ნურის ტბის წყლის ეკოლოგიური მდგომარეობა“. ლექციაზე ეკოლოგიის სპეციალობის სტუდენტები, ანდრეა პირველწოდებულის სახელობის საჯარო სკოლისა და ბათუმის №1 საჯარო სკოლის ეკო-კლუბის მოსწავლეები ნურის ტბასთან დაკავშირებულ პრობლემებს გაეცნენ და ტბის წყლის მიკროსკოპული გამოკვლევა ჩაატარეს.

საბუნებისმეტყველო მეცნიერებათა და ჯანდაცვის ფაკულტეტის დიპლომირებული მედიკოსის სტუდენტებმა, მსოფლოიო ჰიპერტენზიის დღე აღნიშნეს. აქციის ფარგლებში მომავალმა მედიკოსებმა სტუდენტებსა და პროფესორ-მასწავლებლებს გაუზომეს სისხლის წნევა, სიმაღლე, წონა და დაუდგინეს სხეულის მასის ინდექსი, ასევე გააცნეს თუ რა არის ჰიპერტენზია და რა რისკები ახლავს მას. მსოფლიო ჰიპერტენზიის დღე აღინიშნება ყოველწლიურად 17 მაისს და მას საფუძველი მსოფლიო ჰიპერტენზიის ლიგამ ჩაუყარა.