საბუნებისმეტყველო მეცნიერებათა და ჯანდაცვის ფაკულტეტის, ბიოლოგიის დარგობრივი დეპარტამენტის ინიციატივით, ბათუმის შოთა რუსთაველის სახელმწიფო უნივერსიტეტმა შეიძინა რეალურ დროში პოლიმერაზული ჯაჭვური რეაქციის სისტემის ერთ-ერთი თანამედროვე მოდელი – QuantStudio™ 5. პროექტის შემსრულებელია კომპანია ABM, ხოლო პასუხისმგებელი პირები – ნინო არუთინაშვილი და ზანდა ბედინაშვილი.

აღნიშნული სისტემის სრულფასოვანი ათვისებისა და გამოყენების ხელშეწყობის მიზნით, 2025 წლის 2-4 აპრილს ჩატარდა სპეციალიზებული ტრენინგ კურსი, რომელშიც მონაწილეობა მიიღეს: საბუნებისმეტყველო მეცნიერებათა და ჯანდაცვის ფაკულტეტის პროფესორმა, მარინა ნაგერვაძემ და ანზორ დიასამიძის სახელობის იმუნოგენეტიკის ლაბორატორიის სპეციალისტმა, შორენა გაბაიძემ.

ტრენინგის ფარგლებში განხორციელდა შემდეგი აქტივობები:

• გენეტიკური კვლევებისთვის დნმ-ის გამოყოფისა და ანალიზის პროცედურების გაცნობა;
• დნმ-ის მანუალური ექსტრაქცია GeneJET Whole Blood Genomic DNA Purification Mini Kit-ის გამოყენებით;
• დნმ-ის ავტომატური ექსტრაქცია MagMAX™-96 DNA Multi-Sample Kit-ით;
• KingFisher™ Duo Prime Purification System-ის შესაძლებლობების შესწავლა და მისი დანერგვა;
• რეალურ დროში PCR ანალიზი QuantStudio™ 5 სისტემაზე: შაბლონის შექმნა, რეაქციის ინიცირება, შედეგების ინტერპრეტაცია და მონაცემების შენახვა.

ტრენინგმა მნიშვნელოვნად გააუმჯობესა მონაწილეთა კომპეტენცია თანამედროვე გენეტიკურ კვლევებთან დაკავშირებულ ტექნოლოგიებში, რაც მომავალში ხელს შეუწყობს უნივერსიტეტის ლაბორატორიული კვლევების ხარისხისა და ეფექტიანობის ზრდას.