საბუნებისმეტყველო მეცნიერებათა და ჯანდაცვის ფაკულტეტთან არსებული ეკოკლუბის წევრთა ორგანიზებით მთის საერთაშორისო დღისადმი მიძღვნილი ღონისძიება გაიმართა. ეკოლოგიისა და ეკოლოგია minor-ის სპეციალობის სტუდენტებმა ნაშრომები წარმოადგინეს მთის პრობლემებსა და მათი გადაჭრის გზებთან დაკავშირებულ აქტუალურ საკითხებზე. ეკოლოგიის III კურსის სტუდენტებმა ანანო ხახუტაიშვილიმა და ნინო სითათაშვილმა მოხსენება წაიკითხეს თემაზე: „ეკოლოგიური პრობლემები საქართველოს მთიან რეგიონებში“, მარიანა ბერიძემ – „მთების სასიცოცხლო მნიშვნელობა, მათი არსებობის ხელმშემწყობი და ხელის შემშლელი ფაქტორები“, რუსუდან ბეჟანიძემ – „მთის პრობლემები და მათი გადაჭრის გზები“ და ხატია მესხიძემ – ქობულეთის ულამაზესი მთიანეთი და მისი „მომაკვდავი სოფლები“.  

 

ღონისძიების დასასრულს ახალგაზრდებმა იმსჯელეს სამოქალაქო საზოგადოების აქტიური ჩართულობის მნიშვნელობაზე და გამოთქვეს მოსაზრებები მთიან რეგიონში ანთროპოგენური ზემოქმედებით გამოწვეულ საფრთხეებსა და მათი გადაჭრის გზებზე.