ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტსა და ქედის ტურიზმის განვითარების ხელშეწყობის ცენტრს შორის გაფორმდა თანამშრომლობის მემორანდუმი, რომელიც მიზნად ისახავს ტურიზმის სფეროში საგანმანათლებლო, სამეცნიერო და პრაქტიკული თანამშრომლობის გაძლიერებას, სტუდენტთა პროფესიული კომპეტენციების განვითარებასა და მათი დასაქმების შესაძლებლობების ხელშეწყობას.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტები: ნინი ვერულიძე და ელენე გოგუაძე, გერმანიაში, საერთაშორისო საბორნე ოპერატორ კომპანია Scandlines Deutschland GmbH-ში, სამთვიან საერთაშორისო სასწავლო პრაქტიკას გაივლიან.

ტურიზმის ფაკულტეტის პირველი კურსის სტუდენტებმა მხარეთმცოდნეობის სასწავლო კურსის ფარგლებში, ლექტორების - კახაბერ ქამადაძის და ნათია თავდგირიძის ხელმძღვანელობით, სასწავლო ვიზიტი განახორციელეს პეტრა-ციხისძირის ციხეზე.

2026 წლის 1-6 ივნისს, „ერაზმუს+“-ის გაცვლითი პროგრამის ფარგლებში, ბსუ-ს ტურიზმის ფაკულტეტის ასისტენტ პროფესორი ნათია ბერიძე აკადემიური მობილობით იმყოფებოდა სუჩევას შტეფან ჩელ მარეს სახელობის უნივერსიტეტში (რუმინეთი). ნათია ბერიძემ ლექციები წაიკითხა და პრაქტიკული მეცადინეობები ჩაატარა I და II კურსის სტუდენტებთან მასპინძლობის მიმართულებით. ვიზიტის ფარგლებში ნათია ბერიძე დაესწრო მე-18 საერთაშორისო კონფერენციასა და საერთაშორისო კვირეულს. გაეცნო საგანმანათლებლო პროგრამებს, საუნივერსიტეტო ცხოვრებასა და მიმდინარე სასწავლო პროცესს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ-პროფესორმა თამარ ბერიძემ, მესამე მისიის ფარგლებში, ქედის მუნიციპალიტეტის სოფელ მერისის ფრიდონ თურმანიძის სახელობის საჯარო სკოლაში ჩაატარა საჯარო ლექცია თემაზე - „ტურიზმი, როგორც პროფესიული განვითარების მიმართულება, საჭირო უნარები და პერსპექტივები ახალგაზრდებისთვის“.