ჰორიზონ 2020-ის საგრანტო პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ შედეგების პრეზენტაცია გაიმართა. შეხვედრას ესწრებოდნენ აჭარის განათლების, კულტურისა და სპორტის მინისტრის პირველი მოადგილე ჯემალ სურმანიძე, ბსუ-ს ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე, პედაგოგიურ მეცნიერებათა დეპარტამენტის აკადემიური პერსონალი, აჭარის ა.რ. საჯარო სკოლის დირექტორები და მასწავლებლები.

ბსუ-ს ზუსტ მეცნიერებათა და განათლების ფაკულტეტის ბავშვთა უფლებების ცოდნის ცენტრში ჩატარდა მონოგრაფიის „უსაფრთხო სკოლის ოპტიმალური მოდელის გამოვლენა საქართველოს სოციალურ კონტექსტში“ პრეზენტაცია. მონოგრაფიის ავტორები არიან პროფოსორი ლელა თავდგირიძე და ასოცირებული პროფესორი ნატო შეროზია. მონოგრაფია მომზადდა და დაიბეჭდა შოთა რუსთაველის საქართველოს ეროვნული სამეცნიერო ფონდის 2022 წლის „საგამომცემლო სახელმწიფო სამეცნიერო გრანტების შესახებ სახელმწიფო საგრანტო კონკურსის“ ფარგლებში (ხელშეკრულება № SP-22-1007).

ბათუმის შოთა რუსთაველის სახელმწიფო უნივერსიტეტში მეორე საერთაშორისო კონფერენცია „ადრეული განათლება და ზრუნვა“ დასრულდა. ორდღიან კონფერენციაში 100-მდე ქართველმა და უცხოელმა პროფესორ-მასწავლებელმა, მკვლევარმა და ადრეული განათლების სფეროს ექსპერტმა მოხსენებები წარმოადგინეს და მონაწილეობა მიიღეს თემატურ პანელურ დისკუსიებში. სესიებზე მონაწილეებმა იმსჯელეს თამაშზე დაფუძნებულ სწავლებაზე, ბავშვების სწავლისა და განვითარების შეფასებაზე, ასევე მშობლების, ოჯახების, საზოგადოებისა და სკოლამდელი დაწესებულებების გადამწყვეტ როლზე თამაშზე დაფუძნებულ სწავლებაში.

ბათუმის შოთა რუსთაველის სახელმწიფო უნივერსიტეტი მეორე საერთაშორისო კონფერენციას „ადრეული განათლება და ზრუნვა“ მასპინძლობს. ორდღიან კონფერენციაში მონაწილეობენ ადრეული განათლების სფეროს ექსპერტები, პრაქტიკოსები და ხელისუფლების წარმომადგენლები, რათა ერთმანეთს გაუზიარონ ცოდნა, განავითარონ თანამშრომლობა და ხელი შეუწყონ წინსვლას ადრეული განათლებისა და ზრუნვის სფეროში. ფორუმზე 100-მდე მონაწილე საქართველოდან და უცხოეთიდან მოხსენებას წარმოადგენს და მონაწილეობას მიიღებს თემატურ პანელურ დისკუსიებში კონფერენციის მთავარი თემის ირგვლივ: „თამაში: ხარისხიანი ადრეული განათლებისა და ზრუნვის საფუძველი“. ხაზი გაესმება თამაშის გადამწყვეტ როლს ბავშვების განვითარებასა და სწავლაში.

„ერაზმუს+“-ის საგრანტო პროექტის „უმაღლეს საგანმანათლებლო დაწესებულებებში პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით - PROMENT” ფარგლებში, ბსუ-ში მორიგი შეხვედრა გაიმართა. პროექტის მიზანია სტუდენტთა კარიერული შესაძლებლობების გაძლიერების ხელშეწყობა პროფესიული და სოციალური უნარების გაუმჯობესება მენტორინგისა და ტუტორინგის გზით. PROMENT პროექტის მნიშვნელობიდან გამომდინარე, პროექტის გუნდი დაკომპლექტდა ბსუ-ს ადმინისტრაციული პირების, სტუდენტთა კარიერული განვითარების სამსახურის და აკადემიური პერსონალის წარმომადგენლებისგან.