წარმატებით გაიარა პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის „კომპიუტერული მეცნიერების“ საბაკალავრო და „კომპიუტერული მეცნიერების” სამაგისტრო საგანმანათლებლო პროგრამებმა. აკრედიტაციის სტანდარტები საგანმანათლებლო პროგრამებმა დააკმაყოფილა და უმაღლესი საგანმანათლებლო პროგრამების აკრედიტაციის საბჭოს გადაწყვეტილებით სრული, 7-წლიანი აკრედიტაცია მოიპოვა.

ბათუმის შოთა რუსთაველის სახელმწიფო უნივერსიტეტსა და ხარკოვის ეროვნულ პედაგოგიურ უნივერსიტეტს შორის გაფორმებული თანამშრომლობის მემორანდუმის ფარგლებში ონლაინ საერთაშორისო მრგვალი მაგიდა გაიმართა თემაზე: „გლობალური ტენდენციები და განვითარების პრობლემები-პედაგოგიური მეცნიერებები და სკოლამდელი განათლება“. მრგვალი მაგიდის მუშაობაში მონაწილეობა მიიღეს ბათუმის, თელავის, უკრაინის, სომხეთის, ბელორუსიის უნივერსიტეტების პრორექტორებმა და პედაგოგიურ მეცნიერებათა დეპარტამენტის წევრებმა.

ბათუმის შოთა რუსთაველის სახელმწიფო უნივერსიტეტი 2021 წლის 23 -24 აპრილს „ერასმუს+“-ის ინსტიტუციური განვითარების პროექტის „ინოვაციები კურიკულუმში სოციალური ჩართულობის მხარდასაჭერად“ (CISI) ქართველი პარტნიორების სამუშაო შეხვედრებს მასპინძლობს. შეხვედრების მიზანია ბსუ-ს ადმინისტრაციისა და ზუსტ მეცნიერებათა და განათლების ფაკულტეტის წარმომადგენლებისთვის პროექტის ფარგლებში შემუშავებული სასწავლო კურსების წარდგენა და მომზადებული სალექციო მასალების შესახებ ინფორმაციის მიწოდება.

ბათუმის შოთა რუსთაველის სახელმწიფო უნივერსიტეტის 2020-2021 სასწავლო წლის შემოდგომის სემეტრის „პირველსემესტრელის“ სტიპენდია ზუსტ მეცნიერებათა და განათლების ფაკულტეტის ორმა სტუდენტმა - ალექსანდრე გორდელაძემ (მათემატიკა) და მარიკა ცინცაძემ (ფიზიკა) მოიპოვა. ზუსტ მეცნიერებათა და განათლების ფაკულტეტის ადმინისტრაცია და ლექტორ-მასწავლებლები ვულოცავთ სტიპენდიის მოპოვებას და წარმატებებს ვუსურვებთ.

ბათუმის შოთა რუსთაველის სახელმწიფო უნივერსიტეტში გაეროს ბავშვთა ფონდის (UNICEF) ორგანიზებით ბავშვთა უფლებების ცენტრი გაიხსნა და თანამშრომლობის მემორანდუმი გაფორმდა. დოკუმენტს ხელი მოაწერეს ბსუ-ს რექტორმა მერაბ ხალვაშმა და საქართველოში გაეროს ბავშვთა ფონდის წარმომადგენელმა ღასან ხალილმა. ბავშვთა უფლებების ცენტრის დაფუძნებას ესწრებოდნენ: ესტონეთის ელჩი რიინა კალიურანდი, ნორვეგიის ელჩი ჰელენე სანდ ანდერსენი, საქართველოს განათლებისა და მეცნიერების მინისტრის პირველი მოადგილე ეკა დგებუაძე, აჭარის ა.რ განათლების, კულტურისა და სპორტის მინისტრი მაია ხაჯიშვილი და აჭარის ა.რ. უმაღლესი საბჭოს ადამიანის უფლებათა დაცვის საკითხთა კომიტეტის თავმჯდომარე ცოტნე ანანიძე. ცენტრის მიზანია ბავშვთა უფლებების კულტურის გაძლიერება, ბავშვთა უფლებების რეალიზების ხელშეწყობა და დაცვა.