29 მაისს გაიმართა ბათუმის შოთა რუსთაველის სახელმწიფო უნივერსიტეტის დაფინანსებული, პროფესორ ომარ ფარტენაძის მიერ მოპოვებული საგრანტო პროექტით „სწრაფი მართლმსაჯულების პრობლემატიკა საქართველოში, აჭარის რეგიონის მაგალითზე“, დაგეგმილი შეხვედრა - მრგვალი მაგიდა/დისკუსია სასამართლოს, პროკურატურისა და ადვოკატთა ასოციაციის წარმომადგენლებთან. შეხვედრას ესწრებოდნენ ასევე პროექტში მონაწილე აკადემიური პერსონალი და დაინტერესებული პირები. დამსწრე საზოგადოებას პროექტის ხელმძღვანელმა პროფესორმა ომარ ფარტენაძემ და პროექტის განხორციელებაში მონაწილე პროფესორმა დალი მახარაძემ გააცნეს კვლევის შედეგები, რის ირგვლივაც მიმდინარეობდა მუშაობა.

ბათუმის შოთა რუსთაველის სახელმწიფო უნივერსიტეტში გაიმართა სამართლის დოქტორის, პროფესორ ამირან ზენაიშვილის წიგნის - „ადგილობრივი თვითმმართველობის კოდექსი, კომენტარები” პრეზენტაცია.

ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათა ფაკულტეტი, იწვევს სტუდენტებს საზაფხულო სკოლაში „ევროკავშირში გაწევრიანების პოლიტიკური კრიტერიუმები და ევროპეიზაცია“. საზაფხულო სკოლა ტარდება ჟან მონეს მოდულის „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაციის“ ფარგლებში, რომელიც დაფინანსებულია ევროკავშირის Erasmus+ პროგრამის და მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით.

ბათუმის შოთა რუსთაველის სახელმწიფო უნივერსიტეტში, იუსტიციის სამინისტროს სსიპ „დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს“ განრიდებისა და მედიაციის დეპარტამენტის წარმომადგენლებმა, სტუდენტებისა და აკადემიური პერსონალისთვის ჩაატარა საჯარო ლექცია, რომელიც ეხებოდა განრიდებისა და მედიაციის პროგრამის არსსა და მნიშვნელობას, მედიაციის როლს აღდგენითი მართლმსაჯულების პროცესში, მედიატორის ფუნქციებს და პრაქტიკულ მნიშვნელობას.

2026 წლის 20-24 აპრილს ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის პროფესორი, ჟან მონეს კათედრის ხელმძღვანელი მალხაზ ნაკაშიძე „ერაზმუს+“-ის აკადემიური გაცვლითი პროგრამის ფარგლებში, ვიტაუტას მაგნუსის უნივერსიტეტში (VMU) იმყოფებოდა, სადაც ქართული უნივერსიტეტების წარმომადგენლებთან ერთად, მონაწილეობა მიიღო Erasmus+ პერსონალის საერთაშორისო სასწავლო კვირეულში.