სხვა უმაღლესი სასწავლებლებიდან ბსუ–ში მობილობის წესით ჩარიცხვის მსურველი სტუდენტი ვალდებულია სსიპ - განათლების მართვის საინფორმაციო სისტემის ელექტრონულ პორტალზე (www.students.emis.ge) გაიაროს რეგისტრაცია 2023 წლის 21 აგვისტოდან - 2023 წლის 7 სექტემბრის 18:00 სთ-მდე და გადაიხადოს მობილობის საფასური (40 ლარი) .
საქართველოს განათლების და მეცნიერების სამინისტრომ სოციალური პროგრამის ფარგლებში სტუდენტთა სახელმწიფო სასწავლო გრანტით დაფინანსების განაცხადების მიღება დაიწყო. პროგრამა ითვალისწინებს ერთიანი ეროვნული გამოცდების შედეგების საფუძველზე, უმაღლესი საგანმანათლებლო დაწესებულებების ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარის ინტეგრირებული სამაგისტრო, დიპლომირებული მედიკოსის/სტომატოლოგიის აკრედიტებულ საგანმანათლებლო პროგრამებზე ჩარიცხული გარკვეული კატეგორიის სტუდენტების სახელმწიფო სასწავლო გრანტით დაფინანსებას.
ბათუმის შოთა რუსთაველის სახელმწიფო უნივერსიტეტი 2023-2024 სასწავლო წლისთვის აცხადებს მიღებას მასწავლებლის მომზადების საგანმანათლებლო პროგრამაზე სხვადასხვა მიმართულებით.
ბათუმის შოთა რუსთაველის სახელმწიფო უნივერსიტეტში 2023-2024 სასწავლო წლის შემოდგომის სემესტრისათვის სტუდენტთა აკადემიური რეგისტრაცია დაიწყო და 17 სექტემბერს დასრულდება. ასევე განისაზღვრა ადმინისტრაციული რეგისტრაციის - სწავლის სემესტრული საფასურის გადახდის ვადები (საფუძველი:2023 წლის 18 აგვისტოს N01-02/153 ბრძანება).
საჯარო სამართლის იურიდიული პირი -
ბათუმის შოთა რუსთაველის სახელმწიფო უნივერსიტეტის
აკადემიური საბჭოს 2023 წლის 05 სექტემბრის სხდომის
დღის წესრიგი:
(სხდომის ჩატარების დრო: 14 სთ.)
1. 2023 წლის სექტემბერში ბსუ-ს აკადემიური პერსონალის შესარჩევი ღია კონკურსის ჩატარებისთვის საკონკურსო და სააპელაციო კომისიების შექმნის შესახებ.
(მომხს.: აკადემიური საბჭოს თავ-რე, რექტორი, პროფ. მერაბ ხალვაში)
