განცხადებები

2 ივნისიდან 16 ივნისის ჩათვლით ბათუმის შოთა რუსთველის სახელმწიფო უნივერსიტეტი აცხადებს მსმენელთა მიღებას მოკლევადიან საგანმანათლებლო პროგრამაზე „სკოლამდელი ასაკის ბავშვის განვითარება და რეაბილიტაცია“. პროგრამაზე დაიშვებიან უმაღლესი განათლების მქონე პირები (არანაკლებ ბაკალავრის აკადემიური ხარისხის მქონე პირები), საგანმანათლებლო დაწესებულებასა და სარეაბილიტაციო ცენტრებში დასაქმებული პირები, მუშაობის სტაჟის მიუხედავად, ფსიქოლოგიის მეცნიერებით დაინტერესებული პირები, ასევე, საბავშვო ბაღში დასაქმებული ფსიქოლოგები ან საბავშვო ბაღში დასაქმების მსურველი პირები.

ბათუმის შოთა რუსთაველის სახელმწიფო უნივერსიტეტის ფსიქოლოგიის კლინიკა 29 მაისიდან გთავაზობთ უფასო ფსიქოსოციალურ მომსახურებას. კლინიკის პრაქტიკანტი ფსიქოლოგები ჩაატარებენ პირველად ფსიქოლოგიური კონსულტაციებს. კონსულტაციაზე რეგისტრაციისთვის მსურველმა უნდა მიმართოს ფსიქოლოგიის კლინიკას, რომელიც მუშაობს ყოველ დღე, შაბათ-კვირის გარდა. რეგისტრაციაზე ჩასაწერად დაგვიკავშირდით შემდეგ ნომერზე - 593460913.

29 მაისიდან საერთაშორისო საგრანტო პროექტის E-PSY-ის ფარგლებში, პროგრამის მონაწილე ბსუ-ს ფსიქოლოგიის კლინიკის თერაპევტები და ფსიქოლოგიის დეპარტამენტის პროფესორ-მასწავლებლები ბათუმის შოთა რუსთველის სახელმწიფო უნივერსიტეტის სტუდენტებს გაუწევენ უფასო ფსიქოლოგიური კონსულტაციასა და დახმარებას. კონსულტაციაზე რეგისტრაციისთვის სტუდენტმა უნდა მიმართოს ფსიქოლოგიის კლინიკას. კლინიკა მუშაობს ყოველ დღე, შაბათ-კვირის გარდა. რეგისტრაციაზე ჩასაწერად დაგვიკავშირდით შემდეგ ნომერზე - 593460913.

ბათუმის შოთა რუსთაველის სახელმწიფო უნივერსიტეტი აცხადებს მიღებას პროფესიულ საგანმანათლებლო პროგრამებზე. პროფესიულ საგანმანათლებლო პროგრამებზე სწავლა მთლიანად ფინანსდება სახელმწიფოს მიერ. პროფესიულ საგანმანათლებლო პროგრამებზე სწავლის მსურველთა (აპლიკანტთა) რეგისტრაცია განხორციელდება 2023 წლის 22 მაისიდან 10 სექტმებრის ჩათვლით, ელექტრონულად, შემდეგ მისამართზე - http://vet.emis.ge ან/და ბსუ-ს პროფესიული პროგრამების მართვისა და უწყვეტი განათლების ცენტრის დისტანციური მხარდაჭერით ( ცხელი ხაზი: 557 36 40 44, 591 95 76 62).