კონკურსები

"სამაგისტრო სტიპენდიები საფრანგეთში 2021-2022" გახლავთ ერთობლივი სასტიპენდიო პროგრამა, რომელიც ხორციელდება საფრანგეთის მთავრობისა და განათლების საერთაშორისო ცენტრს შორის 2019 წლის 5 აპრილს გაფორმებული თანამშრომლობის მემორანდუმის საფუძველზე, საფრანგეთის მთავრობის, კამპუს ფრანსისა და განათლების საერთაშორისო ცენტრის მიერ. სტიპენდიები ქართველ სტუდენტებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ, ან ინგლისურენოვან პროგრამებზე).

ბათუმის შოთა რუსთაველის სახელმწიფო უნივერსიტეტი ერაზმუს+ გაცვლითი პროგრამის კონკურსში მონაწილეობის მსურველთათვის 25 თებერვალს ატარებს ინგლისურ ენაში ტესტირებას.
ტესტირების გასავლელად აპლიკანტმა უნდა წარმოადგინოს განცხადება (მითითებული უნდა იყოს საფეხური, ფაკულტეტი, სპეციალობა, ინგლისური ენის დონე, მოქმედი ელ-ფოსტა, ტელეფონის ნომერი) პორტალის მეშვეობით და ასევე, უნდა გადმოაგზავნოს დეპარტამენტის ელექტრონულ ფოსტაზე: erasmus@bsu.edu.ge 23 თებერვლის 18:00 სთ-მდე.

ბათუმის შოთა რუსთაველის სახელმწიფო უნივერსიტეტი აცხადებს მიღებას მედიაციის მოკლევადიან საგანმანათლებლო პროგრამაზე. მედიაციის მოკლევადიან საგანმანათლებლო პროგრამაზე რეგისტრაცია შეუძლია მედიატორის პროფესიით დაინტერესებულ ნებისმიერ პირს.
კონკურსანტმა აპლიკაცია და პირადობის მოწმობის ასლი უნდა გადმოაგზავნოს შემდეგ ელფოსტაზე: mediats@bsu.edu.ge
საბუთების მიღება იწარმოებს : 25.01.2021-08.02.2021 ჩათვლით.

პროფესორ რიჩარდ პიპსის პოლიტიკური კვლევების ინსტიტუტი და პოლონეთის მეცნიერებათა აკადემია აცხადებს კონკურსს საზღვარგარეთის სამეცნიერო ცენტრების მკვლევარებისთვის სტიპენდიის მისაღებად. სამეცნიერო მიმართულებას წარმოადგენს XX და XXI საუკუნეებში განსახლება და მიგრაცია პოსტსაბჭოთა ქვეყნებსა და აღმოსავლეთ ევროპის ბლოკში. დამატებითი ინფორმაციისთვის გაეცანით დანართს.