ანონსები

28 ნოემბერს, 13:00 საათზე, ბათუმის შოთა რუსთაველი სახელმწიფო უნივერსიტეტში, 55-ე აუდიტორიაში განათლების საერთაშორისო ცენტრის პროგრამების კოორდინატორი თინათინ გახოკიძე სტუდენტებსა და პროფესორ-მასწავლებლებს გააცნობს პრემიერ-მინისტრის ინიციატივების ფარგლებში გამოცხადებულ კონკურსს შემდეგ პროგრამებზე: საერთაშორისო სამაგისტრო და სადოქტორო პროგრამა და საჯარო დაწესებულებაში დასაქმებულ პირთა კვალიფიკაციის ამაღლებისა და გადამზადების პროგრამა.

24 ოქტომბერს, პარასკევს, 16:00 საათზე ბათუმის შოთა რუსთაველის სახელმწიფო უნივერსიტეტის სააქტო დარბაზში თსუ-ს რექტორი, აკადემიკოსი ვლადიმერ პაპავა ჩაატარებს საჯარო ლექციას თემაზე: ,,საქართველოს ეკონომიკის ძირითადი გამოწვევები და განვითარების პერსპექტივები“.
დასწრება თავისუფალია.
მისამართი: ნინოშვილის 35, I კორპუსი;

აჭარის ა.რ. განათლების კულტურისა და სპორტის სამინისტროს ,,უმაღლესი განათლების ხელშეწყობის პროგრამის“ ფარგლებში 2014 წლის 22 ოქტომბრიდან 24 ოქტომბრის ჩათვლით, ბათუმის შოთა რუსთაველის სახელმწიფო უნივერსიტეტში გაიმართება ტექნიკის მეცნიერებათა დოქტორის, საქართველოს მეცნიერებათა აკადემიის აკადემიკოსის, პროფესორ ელგუჯა მეძმარიაშვილის საჯარო ლექციების ციკლი.

17 ოქტომბერს, 13:00 საათზე, უნივერსიტეტის სააქტო დარბაზში, შეფასებისა და გამოცდების ეროვნული ცენტრის დირექტორი მაია მიმინოშვილი სტუდენტებსა და პროფესორ-მასწავლებლებს შეხვდება და ორგანიზაციის ,,მოქალაქე“ პროექტს -,,სტუდენტები თვითმმართველობისათვის“ გააცნობს.

17 ოქტომბერს, 10:00 საათზე, #327 აუდიტორიაში გაიმართება DAAD-ის საინფორმაციო შეხვედრა. DAAD-ის (გერმანიის აკადემიური გაცვლის სამსახური) ქუთაისის საინფორმაციო ცენტრის ხელმძღვანელი დიანა შლუხტმანი სტუდენტებსა და პროფესორ-მასწავლებლებს გააცნობს მიმდინარე სასტიპენდიო პროგრამებს, საზაფხულო სკოლებსა და საკონკურსო პირობებს.