ბათუმის შოთა რუსთაველის სახელმწიფო უნივერსიტეტმა ნატო-ს საზღვაო ძალების წარმომადგენლებს უმასპინძლა. ბრიტანეთის საზღვაო ფლოტის ადმირალი ჯეიმს მორლი, ამერიკის შეერთებული შტატების საზღვაო ქვეითთა კორპუსის კაპიტანი ჯონათან ლიპსი და ამერიკის საელჩოს თავდაცვის ატაშეს პოლკოვნიკი სტეფანი ბეგლი ბსუ-ს იურიდიული და სოციალურ მეცნიერებათა ფაკულტეტის სტუდენტებს შეხვდნენ და ჩრდილოატლანტიკური ალიანსის თავდაცვისა და უსაფრთხოების საკითხებზე ესაუბრნენ. ღონისძიებას მოდერაცია გაუწიეს საქართველოში აშშ-ის საელჩოს საზოგადოებასთან ურთიერთობის განყოფილების ხელმძღვანელმა ქეთრინ შვაიცერმა და საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის დირექტორმა თამარა წულეისკირმა. შეხვედრა კითხვა-პასუხის რეჟიმში წარიმართა და სტუმრებმა სტუდენტების აქტუალურ შეკითხვებს უპასუხეს.
ღონისძიება ბსუ-ში საქართველოში ამერიკის შეერთებული შტატების საელჩოსა და საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით გაიმართა.
| უკან |
