ბსუ-ს სტუდენტებმა: სალომე აბულაძემ, ნესტან ვარშანიძემ, გიორგი აბაშიძემ და გიორგი ბაციკაძემ შოთა რუსთაველის ეროვნული სამეცნიერო ფონდის მაგისტრანტთა სასწავლო-კვლევითი პროექტების გრანტით დაფინანსების კონკურსში გაიმარჯვეს. საბუნებისმეტყველო მეცნიერებათა და ჯანდაცვის ფაკულტეტის სტუდენტი სალომე აბულაძე განახორციელებს პროექტს - „ბუნებრივი და ხელოვნური ჰუმორული (ანტისხეულები) იმუნიტეტის შესწავლა Sars-Cov-2-ის მიმართ სამედიცინო პერსონალში“ (ხელმძღვანელები, ასოცირებული პროფესორები: ლეილა ახვლედიანი და მარინა ნაგერვაძე).
ეკონომიკისა და ბიზნესის ფაკულტეტის სტუდენტი ნესტან ვარშანიძე განახორციელებს პროექტს „ლურჯი ეკონომიკა: „იმპორტშეცვლილი დარგების განვითარების პერსპექტივები ზღვისა და მდინარის პროდუქტების მაგალითზე“ (ხელმძღვანელი, პროფესორი ნათია წიკლაშვილი), ეკონომიკისა და ბიზნესის ფაკულტეტის სტუდენტი გიორგი აბაშიძე პროექტს - „ციფრული ეკონომიკა - საგანმანათლებლო დაწესებულებების გაციფრულების დონის შეფასება უნივერსიტეტის მაგალითზე“ (ხელმძღვანელი, ასოცირებული პროფესორი ბადრი გეჩბაია) და ჰუმანიტარულ მეცნიერებათა ფაკულტეტის სტუდენტი გიორგი ბაციკაძე პროექტს - „ეროვნულ-განმათავისუფლებელი მოძრაობა საქართველოში XX საუკუნის 70-90-იან წლებში“ (ხელმძღვანელი, პროფესორი ოთარ გოგოლიშვილი).
ბათუმის შოთა რუსთაველის სახელმწიფო უნივერსიტეტი სტუდენტებს ულოცავს მნიშვნელოვან გამარჯვებას და წარმატებებს უსურვებს.
მაგისტრანტთა სასწავლო-კვლევითი პროექტების დასაფინანსებლად გრანტების გაცემის მიზანია მაგისტრატურის აკრედიტებულ საგანმანათლებლო პროგრამაზე ჩარიცხული მაგისტრანტების სამაგისტრო ნაშრომის ფარგლებში სამეცნიერო კვლევების ხარისხის გაზრდის, აკადემიური დონის ამაღლებისა და კვლევითი უნარ-ჩვევების განვითარების ხელშეწყობა, ასევე, სწავლის პროცესში კვლევის ინტეგრაციისა და თემატური და ინტერდისციპლინური მიმართულებით კვლევითი აქტივობის განვითარების ხელშეწყობა.
გამარჯვებული პროექტები| უკან |
