31 ოქტომბერს შოთა რუსთაველის სახელმწიფო უნივერსიტეტში საბუნებისმეტყველო მეცნიერებათა და ჯანდაცვის ფაკულტეტის და გარემოს დაცვის ეროვნული სააგენტოს ორგანიზებით გაიმართა კონკურსი „შავი ზღვის ხმა“, რომელშიც მონაწილეობდნენ მოსწავლეები ექვსი სკოლიდან: სარფის საჯარო სკოლა; ბათუმის მე-2 საჯარო სკოლა, ბათუმის მე-6 საჯარო სკოლა, ქობულეთის მე-6 საჯარო სკოლა, ფოთის მე-4 საჯარო სკოლა და ანაკლიის საჯარო სკოლა.
მეცნიერებათა და ჯანდაცვის ფაკულტეტის დიპლომირებული მედიკოსის ინგლისურენოვანი პროგრამის სტუდენტებმა ფაკულტეტის წარმომადგენლებთან და ქართულენოვანი პროგრამის სტუდენტებთან ერთად აღნიშნეს სინათლის ფესტივალი - „დივალი“. „დივალი“ მიიჩნევა „სინათლის გამარჯვებად სიბნელეზე, სიკეთის ბოროტებაზე და ცოდნის უმეცრებაზე“. ამ დღის აღსანიშნავად სტუდენტებმა სანთლებით და განათებებით მორთეს უნივერსიტეტის ეზო და ფაკულტეტის თავისუფალი სივრცე, შეასრულეს სხვადასხვა საცეკვაო ნომრები და თამაშები, ასევე სტუმრებს გაუმასპინძლდნენ ტრადიციული ტკბილეულით.
23 ოქტომბერს, Interreg NEXT შავი ზღვის აუზის პროგრამის გრანტის CARE SEA ფარგლებში, ბსუ-ს საბუნებისმეტყველო და ჯანდაცვის ფაკულტეტის გეოგრაფიის დეპარტამენტში გაიმართა სემინარი თემაზე: „პლასტიკით და ნანოპლასტიკით დაბინძურების შესწავლისათვის ნიმუშების აღების სტრატეგია“.
საბუნებისმეტყველო მეცნიერებათა და ჯანდაცვის ფაკულტეტის დეკანი, ადმინისტრაციის წარმომადგენლებთან და პროფესორ-მასწავლებლებთან ერთად, პირველკურსელებს შეხვდნენ, ახალგაზრდებს სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების საუნივერსიტეტო ცხოვრებას, ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, სტიპენდიებს, გაცვლით პროგრამებს, ელექტრონულ სერვისებსა და კულტურულ-საგანმანათლებლო პროექტებს გაეცნენ. შეხვედრა კითხვა-პასუხის რეჟიმში გაგრძელდა და სტუდენტებმა მათთვის საინტერესო კითხვებზე ამომწურავი პასუხები მიიღეს.
ბათუმის რესპუბლიკური საავადმყოფოს საკონფერენციო დარბაზში ღვაწლმოსილი ექიმის, ბათუმის შოთა რუსთაველის სახელმწიფო უნივერსიტეტის ემერიტუს პროფესორის, რამდენიმე აკადემიის აკადემიკოსის ბატონ აკაკი ბერიძის მორიგი წიგნის „ღვთაებრივი ხელოვნება‘’ პრეზენტაცია გაიმართა. წიგნის წარდგინებას სამედიცინო საზოგადოების და მწერალთა კავშირის წარმომადგენლები ესწრებოდნენ.
