პარიზში მეთვრამეტე საერთაშორისო კონფერენცია „ეკონომიკისა და ბიზნესის მენეჯმენტი“ ჩატარდა. სამეცნიერო სესიაში მონაწილეობა მიიღო ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ბიზნესის ადმინისტრირების, მენეჯმენტისა და მარკეტინგის დეპარტამენტის ხელმძღვანელმა, ასოცირებულმა პროფესორმა ბადრი გეჩბაიამ შოთა რუსთაველის ეროვნული სამეცნიერო ფონდის მიერ ახალგაზრდა მეცნიერთათვის გაცემული გრანტის ფარგლებში წარადგინა მოხსენება თემაზე: „ევროკავშირის ინოვაციური ეკონომიკის პრიორიტეტები და თანამედროვე პრობლემები: გამოწვევები, პერსპექტივები“. ორდღიან კონფერენციაში 15-ზე მეტი ქვეყნის 50 წარმომადგენელი მონაწილეობდა.

ბათუმის შოთა რუსთველის სახელმწიფო უნივერსიტეტის ეკონომიკისა და ბიზნესის ფაკულტეტზე ქალაქ ბათუმის მუნიციპალიტეტის 2017 წლის ბიუჯეტის პროექტის საჯარო განხილვა მოეწყო.

ტემპუსის საგრანტო პროექტის „ინტერნაციონალიზაციითვის ხელშეწყობა უმაღლეს სასწავლო დაწესებულებებში მეზობელ აღმოსავლეთის ქვეყნებში, კულტურული და სტრუქტურული ცვლილებების გზით“ („Promoting Internationalization of HEIs in Eastern Neighbourhood Countries through Cultural and Structural Adaptations” PICASA) ფარგლებში ივანე ჯავახიშვილის თბილისის სახელმწიფო უნივერსიტეტში მეორე კონფერენიცია ჩატარდა თემაზე: „სწავლა/სწავლების ინტერნაციონალიზაცია: პოლიტიკა და გამოცდილება“ თემატიკით. ორდღიან კონფერენციაში მონაწილეობდნენ ბათუმის შოთა რუსთაველის სახელმწიფო უნივერსიტეტის რექტორის მოადგილე სამეცნიერო დარგში, პროფესორი ნათელა წიკლაშვილი, ეკონომიკისა და ბიზნესის ფაკულტეტის ხარისხის სამსახურის უფროსი, პროფესორი ასიე ცინცაძე და ამავე ფაკულტეტის დოქტორანტი თამარ ღოღობერიძე.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებს სახელობითი სტიპენდიები დაენიშნათ. საბუღალტრო და საგადასახადო საქმის IV კურსის სტუდენტი ჯაბა შაინიძე პროფესორ გივი გამსახურდიას სახელობის სტიპენდიანტია. ეკონომიკის საგანმანათლებლო პროგრამის მეოთხე კურსის სტუდენტებმა დავით კონცელიძემ და ანა ახვლედიანმა პროფესორ ვახტანგ პაპუნიძის და პროფესორ ვალერიან მელქაძის სახელობითი სტიპენდიები მიიღეს. ფინანსების საგანმანათლებლო პროგრამის III კურსის სტუდენტ მაია ბერიძესა და მენეჯმენტის საგანმანათლებლო პროგრამის IV კურსის სტუდენტ ნათია კონცელიძეს ავთანდილ ბარათაშვილის სახელობითი სტიპენდია დაენიშნათ. უნივერსიტეტი ულოცავს სტიპენდიანტებს გამარჯვებას და უსურვებს წარმატებებს.

ბათუმის შოთა რუსთაველის სახელმწიფო უნივერსიტეტში, ეკონომიკისა და ბიზნესის ფაკულტეტზე კიროვოგრადის (უკრაინა) ეროვნული ტექნოლოგიური უნივერსიტეტის პროფესორმა, ეკონომიკის მეცნიერებათა დოქტორმა ქალბატონმა გალინა კუზმენკომ საჯარო ლექცია გამართა.