ბათუმის შოთა რუსთაველის სახელმწიფო უნივერსიტეტის და სადაზღვევო კომპანია „ალდაგის“ სტიპენდიის მიმღები ეკონომიკისა და ბიზნესის ფაკულტეტის საბაკალავრო და სამაგისტრო საგანმანათლებლო პროგრამის სტუდენტის შესარჩევი კონკურსი დასრულდა. კონკურსის საფუძველზე გამოვლინდა გამარჯვებული. სტიპენდია მიენიჭა ეკონომიკისა და ბიზნესის ფაკულტეტის ბიზნესის ადმინისტრირების საბაკალავრო საგანმანათლებლო პროგრამის მე-4 სასწავლო წლის სტუდენტ - თეა თავდგირიძეს.

20 მაისს, 19:00 საათზე, ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილი ღონისძიებათა ციკლის ფარგლებში, თსუ-ს ტურიზმისა და მასპინძლობის მენეჯმენტის კათედრის ხელმძღვანელი პროფესორი იოსებ ხელაშვილი საჯარო ლექციას ჩაატარებს თემაზე „ტურიზმის მდგრადი განვითარების გამოწვევები საქართველოში“. პროფესორ იოსებ ხელაშვილის კვლევის ინტერესებს წარმოადგენს ტურიზმი და ტურიზმის მენეჯმენტი.

17 მაისს, 13:00 საათზე, ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილ ღონისძიებათა ციკლის ფარგლებში, კრაკოვის ეკონომიკის უნივერსიტეტისა და ლოძის სოციალურ მეცნიერებათა უნივერსიტეტის პროფესორი კრისტოფ ვოჩი ონლაირ რეჟიმში, Zoom-ის საშუალებით, საჯარო ლექციას ჩაატარებს. პროფესორ კრისტოფ ვოჩის კვლევის ინტერესის სფეროა საერთაშორისო ბიზნესი, საერთაშორისო მეწარმეობა, ინოვაციები, საოჯახო მეურნეობები და სხვ. პროფესორი კრისტოფი არის არაერთი საერთაშორისო სამეცნიერო კომისიის წევრი, რედაქტორი და მკვლევარი.

2022 წლის ივნისში საქართველოს ეკონომიკური განვითარების პლატფორმის ორგანიზებით გაიმართება სამეცნიერო კონფერენცია „თანამედროვე ეკონომიკის გამოწვევები 2022“. კონფერენციაში მონაწილეობის მიღება შეუძლიათ საქართველოში რეგისტრირებული უმაღლესი საგანმანათლებლო დაწესებულებების ბაკალავრისა და მაგისტრატურის საფეხურის სტუდენტებს. კონფერენციის მიზნებია: თანამედროვე ეკონომიკური პროცესებისა და გამოწვევების განხილვა; ცოდნისა და გამოცდილების გაზიარება; კვლევების წახალისება; უმაღლესი სასწავლებლების სტუდენტთა ურთიერთთანამშრომლობა. დამატებითი ინფორმაციის მისაღებად გაეცანით თანდართულ ფაილს.

2022 წლის 10-11 თებერვალს, საქართველოს ეროვნულ უნივერსიტეტში, SEU-ში, „ევროპული ინტეგრაციის კვლევითი ცენტრის“ ორგანიზებით გაიმართება საერთაშორისო სამეცნიერო კონფერენცია: „ევროპის მწვანე შეთანხმება და მისი პოლიტიკური, სამართლებრივი და ეკონომიკური ზეგავლენა საქართველოზე“. საერთაშორისო კონფერენციაში მონაწილეობის მიღება შეუძლიათ დაინტერესებულ აკადემიურ პერსონალს უმაღლესი სასწავლო დაწესებულებებიდან, დოქტორანტებს, ახალგაზრდა მეცნიერებს და დარგის ექსპერტებს.