2022 წლის 26-27 ნოემბერს საქართველოს უნივერსიტეტის თამაზ ბერაძის სახელობის ქართველოლოგიის ინსტიტუტი ატარებს საერთაშორისო სამეცნიერო კონფერენციას „საქართველო და კავკასია - წარსული, აწმყო, მომავალი". კონფერენცია შერეულ - რეალურ და ონლაინფორმატში გაიმართება. მისი მიზანია ქართველოლოგიის სხვადასხვა მიმართულებით სამეცნიერო კვლევების ხელშეწყობა, ქართველ და უცხოელ მეცნიერებს შორის მჭიდრო სამეცნიერო კავშირების განვითარება და ინტერდისციპლინური და ინტერკულტურული კვლევების ხელშეწყობა.
კონფერენციის სამეცნიერო მიმართულებები:
- ისტორია, წყაროთმცოდნეობა, ეთნოლოგია, ანთროპოლოგია;
- ფილოლოგია
- ხელოვნებათმცოდნეობა
- კულტუროლოგია
ძირითადი მოთხოვნები:
კონფერენციაში მონაწილეობის მიღება შეუძლიათ აკადემიური ხარისხის მქონე პირებს, მაგისტრებსა და დოქტორანტებს;
საკონფერენციო თემა უნდა შეიცავდეს მეცნიერულ სიახლეს და არ უნდა იყოს გამოქვეყნებული ან წაკითხული სხვა სამეცნიერო ღონისძიებაზე;
თეზისები უნდა გადმოიგზავნოს ქართულ და ინგლისურ ენებზე; მოცულობა არ უნდა აღემატებოდეს 250 სიტყვას;
კონფერენციის სამუშაო ენებია ქართული და ინგლისური.
დამატებითი ინფორმაციისთვის გთხოვთ, იხილოთ საქართველოს უნივერსიტეტის ვებგვერდი
https://georgianstudies.ug.edu.ge/conferences
| უკან |
