სკოლამდელი განათლების სფეროში ბავშვზე დაკვირვება და ამ დაკვირვების შედეგების დოკუმენტირება უმნიშვნელოვანესი პროცესია, რომელიც ხელს უწყობს ბავშვის ინდივიდუალური საჭიროებების გამოვლენასა და მის განვითარებაზე მორგებული სასწავლო-სააღმზრდელო გარემოს შექმნას. თუმცა, ეს პროცესი ხშირად დაკავშირებულია მრავალ გამოწვევასთან, რომლებიც აფერხებს მის ეფექტურ განხორციელებას.
ჩვენი მიზანია, გამოვავლინოთ და გავაანალიზოთ ის ძირითადი პრობლემები, რომლებსაც აღმზრდელ-პედაგოგები აწყდებიან ბავშვზე დაკვირვებისა და ჩანაწერების დოკუმენტირების პროცესში. ჩატარებული კვლევის საფუძველზე განხილულია ბავშვზე დაკვირვებასა და ჩანაწერების დოკუმენტირებასთან დაკავშირებული ისეთი საკითხები, როგორებიცაა: დროის მენეჯმენტი, ობიექტურობის შენარჩუნება, მონაცემთა სისტემატიზაცია და ინტერპრეტაცია. ასევე, წარმოდგენილია საუკეთესო პრაქტიკის მაგალითები და რეკომენდაციები, რომლებიც დაეხმარება სკოლამდელი განათლების სპეციალისტებს, გაუმკლავდნენ არსებულ გამოწვევებს და გააუმჯობესონ ბავშვზე დაკვირვებისა და ჩანაწერების დოკუმენტირების პროცესი.
| უკან |
