ნახევარმესერს ვუწოდოთ R-ტიპის, რომელშიც სისავსის წყაროების რიცხვი მეტია ან ტოლი ბაზისური წყაროების რიცხვის. მოცემულ სამეცნიერო ნაშრომში სწორედ ამ ტიპის ნახევარმესერებით განსაზღვრული ბინარულ მიმართებათა სრული ნახევარჯგუფების მარჯვენა ერთეულები, იდემპოტენტური და რეგულარული ელემენტებია განხილული.

დამტკიცებულია თეორემა, რომ R-ტიპის ნახევარმესერით განსაზღვრულ ნახევარჯგუფს ყოველთვის გააჩნია მარჯვენა ერთეული.

გამოყოფილია მოცემული ნახევარმესერის ყველა XI-ქვენახევარმესერი. განხილულია ორი შემთხვევა:

1) მინიმალური ელემენტი არაცარიელია, სადაც ყველა XI-ქვენახევარმესერია მოცემული;

2) მინიმალური ელემენტი ცარიელია, სადაც მხოლოდ ცარიელი სიმრავლის შემცველი XI-ქვენახევარმესერებია მოცემული.

ორივე შემთხვევისთვის XI-ქვენახევარმესერებით განსაზღვრული ნახევარჯგუფე-ბისათვის აღწერილია მარჯვენა ერთეულები, გამოყვანილია იდემპოტენტური და რეგულარული ელემენტების არსებობის აუცილებელი და საკმარისი პირობები. სასრული X-სიმრავლის შემთხვევაში გამოყვანილია მათი რაოდენობის დათვლის ფორმულები.