ბათუმის შოთა რუსთაველის სახელმწიფო უნივერსიტეტი უმასპინძლებს ფიზიკის, ლაზერული ტექნოლოგიებისა და ინტელექტუალური გარემოსდაცვითი სისტემების საერთაშორისო კონფერენციას – BS-CAPLES 2026.
ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის, ენებისა და საინფორმაციო ტექნოლოგიების ცენტრის ასისტენტ-პროფესორი, ნათია აბაშიძე და საერთაშორისო ურთიერთობების სამსახურის მთავარი სპეციალისტი, ხათუნა ხაბაძე, ERASMUS+ ICM Project PEERS აკადემიური მობილობის პროგრამის ფარგლებში სამუშაო ვიზიტით იმყოფებოდნენ ავეიროს უნივერსიტეტში (პორტუგალია).
ბსუ-ს წარმომადგენლები შოთა რუსთაველის საქართველოს ეროვნული სამეცნიერო ფონდის მიერ დაფინანსებული პროექტის „სასკოლო გარემოსა და სასწავლო პროცესის გავლენა მოსწავლეთა ჯანდაცვის კომპეტენციებზე: პრობლემების იდენტიფიცირება და ინტერდისციპლინური ინტერვენციის გზები“ ფარგლებში 2026 წლის 15–19 ივნისს სამუშაო ვიზიტით რუმინეთში იმყოფებოდნენ. ვიზიტში მონაწილეობდნენ ბსუ-ს ზუსტ მეცნიერებათა და განათლების ფაკულტეტის წარმომადგენლები: პროექტის მენეჯერი, ასოცირებული პროფესორი მარინე გურგენიძე, ძირითადი პერსონალი, ასოცირებული პროფესორი ნანი მამულაძე და დოქტორანტი, მოწვეული მასწავლებელი ცირა კაპანაძე.
აჭარის ავტონომიური რესპუბლიკის განათლებისა და სპორტის სამინისტროს მიერ განხორციელებული უცხოეთში სტაჟირების პროგრამის – „ევროოდისეის“ ფარგლებში ბსუ-ს ენებისა და საინფორმაციო ტექნოლოგიების ცენტრმა მიმდინარე სასწავლო წლის გაზაფხულის სემესტრში უმასპინძლა ესპანელ სტაჟიორს, ანა პიშელს. სტაჟიორმა, ასოცირებული პროფესორის ნინო სამნიძის ხელმძღვანელობით, ინგლისური ენის პრაქტიკული კურსის ფარგლებში მრავალფეროვანი საგანმანათლებლო აქტივობები განახორციელა ზოგადი განათლების დაწყებითი საფეხურის მასწავლებლის მომზადებისა და ფსიქოლოგიის საბაკალავრო პროგრამების სტუდენტებისთვის.
16-26 ივნისს, ბათუმის შოთა რუსთაველის სახელმწიფო უნივერსიტეტთან საერთაშორისო თანამშრომლობის გაძლიერებისა და ერთობლივი სამეცნიერო პროექტების განვითარების მიზნით, ზუსტ მეცნიერებათა და განათლების ფაკულტეტს სამუშაო ვიზიტით ეწვია რუმინეთის ქალაქ იასის ალექსანდრუ იოან კუზას უნივერსიტეტის მათემატიკის ფაკულტეტის პროფესორი მარიან იოან მუნტეანუ.
