ბათუმის შოთა რუსთაველის სახელმწიფო უნივერსიტეტი აცხადებს მიღებას ერთობლივ სადოქტორო საგანმანათლებლო პროგრამაზე „განათლების მეცნიერებები“: პროგრამის განმახორციელებელი უნივერსიტეტები: ივანე ჯავახიშვილის სახელობის თბილისის სახელმწიფო უნივერსიტეტი (თსუ), აკაკი წერეთლის სახელმწიფო უნივერსიტეტი (აწსუ), ბათუმის შოთა რუსთაველის სახელმწიფო უნივერსიტეტი (ბსუ), იაკობ გოგებაშვილის სახელობის თელავის სახელმწიფო უნივერსიტეტი (თესაუ).

2025 წლის 2-4 ივლისს, Erasmus+ საგრანტო პროექტის "Security Education Center for Unified Resilience and Effective Communications - SECURE" კონსორციუმის წარმომადგენლები პროექტის პროგრესის შეჯამებისა და მომავალი ეტაპების განსაზღვრის მიზნით, შეიკრიბნენ ლიტუვაში, კაუნასის ტექნოლოგიურ უნივერსიტეტში (KTU).

ბათუმის უნივერსიტეტიდან ვიზიტში მონაწილეობდა პროექტის მკვლევარი, ზუსტ მეცნიერებათა და განათლების ფაკულტეტის ასოცირებული პროფესორი მიხეილ დონაძე და მკვლევარი/ტექნიკური პერსონალი, ზუსტ მეცნიერებათა და განათლების ფაკულტეტის საინფორმაციო ტექნოლოგიების სპეციალისტი გიორგი იმნაიშვილი.

SECURE პროექტის ძირითადი მიზანია საქართველოსა და უკრაინაში კიბერუსაფრთხოების გაძლიერება უმაღლესი განათლების სფეროში, მათ შორის სასწავლო პროგრამების განვითარება, პროფესიული გადამზადება და ინსტიტუციური თანამშრომლობის ხელშეწყობა.

2025 წლის 2-6 ივნისს, „ერაზმუს+“-ის აკადემიური პერსონალის გაცვლითი პროგრამის ფარგლებში, ზუსტ მეცნიერებათა და განათლების ფაკულტეტს ესტუმრნენ ოსტრავას უნივერსიტეტის (ჩეხეთი) მათემატიკის დეპარტამენტის ერაზმუსის კოორდინატორი, პროფესორი ვერა ფერდიანოვა და პროფესორი ონდრეი კოლოუხი.

2025 წლის 21-29 ივნისს, ბსუ-ს ზუსტ მეცნიერებათა და განათლების ფაკულტეტის კომპიუტერულ მეცნიერებათა დეპარტამენტის ასოცირებული პროფესორები: ვახტანგ ბერიძე და გულადი ფარტენაძე „ერაზმუს+“-ის გაცვლითი პროგრამის ფარგლებში იმყოფებოდნენ ბულგარეთში ქალაქ რუსეს ანგელ კანჩევის უნივერსიტეტში. ვიზიტის ფარგლებში შედგა შეხვედრები როგორც ადმინისტრაციულ პერსონალთან, ასევე აკადემიურ პერსონალთან. პროფესორებმა გააცნეს უნივერსიტეტი და სამეცნიერო კვლევის თემატიკა მიმღები უნივერსიტეტის პროფესორ-მასწავლებლებს.

26-30 ივნისს, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის პროფესორი დავით დევაძე და ასოც. პროფესორი ზაზა დავითაძე „ერაზმუს+“-ის აკადემიური მობილობის ფარგლებში, იმყოფებოდნენ ბრნოს ტექნოლოგიურ უნივერსიტეტში, ჩეხეთი.