24-28 ივლისს ბათუმის შოთა რუსთაველის სახელმწიფო უნივერსიტეტი მასპინძლობს მე-19 საერთაშორისო კონფერენციას "COMPUTABILITY IN EUROPE 2023"(Unity of Logic and Computation) გამოთვლადობა ევროპაში 2023 (ლოგიკისა და გამოთვლების ერთიანობა). კონფერენცია ორგანიზებულია CIE (Computability in Europe)-ს მიერ და ტარდება ბათუმის შოთა რუსთაველის სახელმწიფო უნივერსიტეტის და ივანე ჯავახიშვილის სახელობის თბილისის სახელმწიფო უნივერსიტეტის ილია ვეკუას სახელობის გამოყენებითი მათემატიკის ინსტიტუტის თაოსნობით.

„ERASMUS+“-ის საგრანტო პროექტის „პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში (PROMENT)“ მენეჯერი, ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე და მკვლევარი, მოწვეული მასწავლებელი, ტექნიკის მეცნიერებათა დოქტორი ელისო ძნელაძე, პროექტის ფარგლებში დაგეგმილი სასწავლო ვიზიტით 10-დან 14 ივლისის ჩათვლით ავსტრიაში, ვენის ტექნოლოგიურ უნივერსიტეტში იმყოფებოდნენ.

ბათუმის შოთა რუსთაველის სახელმწიფო უნივერისტეტში იაპონია-ხმელთაშუა ზღვის ქვეყნების მეთორმეტე საერთაშორისო კონფერენცია გაიხსნა თემაზე: „გამოყენებითი ელექტრომაგნიტური ინჟინერია მაგნიტურ, ზეგამტარ, მრავალფუნქციურ და ნანო-მასალებში.“ ოთხდღიანი საერთაშორისო ფორუმის მიზანია მონაწილეებს შორის ინფორმაციის გაცვლა, გამოცდილების, ახალი იდეების, გამოგონებების გაზიარება გამოყენებით ელექტრომაგნეტიზმსა და ახალი მასალების კვლევებში.

ERASMUS+ საგრანტო პროექტის "პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში" პერსონალი, მკვლევარი ნინო სამნიძე, ზუსტ მეცნიერებათა და განათლების ფაკულტეტის ასისტენტ პროფესორი და მკვლევარი სალომე ჯინჭარაძე, ზუსტ მეცნიერებათა და განათლების ფაკულტეტის ენებისა და საინფორმაციო ტექნოლოგიების ცენტრის მასწავლებელი, სტუდენტთა კარიერული განვითარების, კულტურისა და სპორტის დეპარტამენტის, კულტურისა და სპორტის განყოფილების განვითარების წამყვანი სპეციალისტი, იმყოფებოდნენ იტალიაში, ქალაქ პერუჯაში პროექტის ფარგლებში დაგეგმილი სასწავლო ვიზიტით 2023 წლის 30 ივნისიდან 8 ივლისის ჩათვლით.

„ერაზმუს+“-ის HEIn 4.0 პროექტის (საქართველოსა და უკრაინის უსდ-ების როლის გაძლიერება ინდუსტრიულ ტრანსფორმაციაში ინდუსტრიული პარადიგმა 4.0-ის მეშვეობით) ფარგლებში, ზუსტ მეცნიერებათა და განათლების ფაკულტეტის ადმინისტრაცია და აკადემიური პერსონალი მრგვალი მაგიდის ფორმატში შეხვდა ბიზნესის სექტორის წარმომადგენლებს. შეხვედრა ითვალისწინებდა კომპიუტერული მეცნიერების, ფიზიკისა და მათემატიკის საგანმანათლებლო პროგრამების დაინტერესებული მხარეების ინტერესების შესწავლას, მათთვის ორმხრივად სასარგებლო თანამშრომლობის შეთავზებას.