საქართველოს განათლებისა და მეცნიერების მინისტრის მოადგილემ ნუნუ მიცკევიჩმა და ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა ბსუ-ში Horizon Europe-ის საგრანტო ოფისი გახსნეს. ღონისძიებაზე სიტყვით გამოსვლისას რექტორმა მერაბ ხალვაშმა პროექტის აქტუალობაზე ისაუბრა, საქართველოს განათლებისა და მეცნიერების სამინისტროს მხარდაჭერისთვის მადლობა გადაუხადა და აღნიშნა, რომ სამინისტროს ხელშეწყობით უნივერსიტეტში არაერთი სამეცნიერო პროექტი ხორციელდება. მათ შორის მნიშვნელოვანი პროექტებია: „ცოდნისა და აკადემიური კულტურის გაცვლა ჰუმანიტარულ სფეროში შავი ზღვის რეგიონში, XVIII-XXI საუკუნეების ბოლოს“ და „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით”.

6-7 ივნისს ფინეთში, ევროკავშირის კვლევისა და ინოვაციის პროგრამის „ჰორიზონტი 2020“-ის პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ („iHubs4Schools - Accelerating Digital Innovation in Schools through Regional Innovation Hubs and a Whole-School Mentoring Model“, ფარგლებში ჰელსინკის უნივერსიტეტში ჩატარდა კონსორციუმის წევრების შეხვედრა. კონსორციუმში ბათუმის შოთა რუსთაველის სახელმწიფო უნივერსიტეტიდან მონაწილეობდნენ რექტორის მოადგილე, პროფესორი თამარ სირაძე, ასოცირებული პროფესორი თათია ნაკაშიძე და მკვლევარი ნინო ნაკაშიძე.

„ჰორიზონტი 2020“ ფარგლებში დაფინანსებული პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ პერსონალმა ონლაინ სამუშაო შეხვედრა გამართა აჭარის რეგიონის 5 ზოგადსაგანმანათლებლო საჯარო სკოლის დირექტორებთან. შეხვედრის მონაწილეებმა შეაჯამეს პროექტის ფარგლებში 2021 წელს განხორციელებული აქტივობების შედეგები, განიხილეს ციფრული ინოვაციების მიმართულებით სკოლებში არსებული მდგომარეობა და სკოლებთან თანამშრომლობის ფარგლებში დაგეგმილი სამომავლო ღონისძიებები - სკოლების საჭიროებების იდენტიფიცირება და პედაგოგთა კომპეტენციები ციფრული ინოვაცოების გამოყენების კუთხით, სკოლებში მენტორინგის მოდელის პილოტირების პროცესი.

საქართველოში ევროკავშირის კვლევისა და ინოვაციის ახალი ჩარჩო პროგრამა Horizon Europe-ის ეროვნული ოფისი დაფუძნდა. საქართველოს განათლებისა და მეცნიერების მინისტრმა მიხეილ ჩხენკელმა ოფისის დაფუძნების ღონისძიება გახსნა, პროგრამის მნიშვნელობაზე ისაუბრა და მეცნიერებს მნიშვნელოვანი მოვლენა მოულოცა. Horizon Europe-ის ეროვნული ოფისის მისიაა ევროკავშირისა და საქართველოს უმაღლეს საგანმანათლებლო დაწესებულებებსა და კვლევით ინსტიტუტებს შორის მედიაციისა და კოორდინირებული მუშაობის უზრუნველყოფა. ღონისძიებას ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, საქართველოს სამეცნიერო საზოგადოება, უმაღლესი საგანმანათლებლო დაწესებულებების, კვლევითი ინსტიტუტებისა და დიპლომატიური კორპუსის წარმომადგენლები ესწრებოდნენ.

ევროკავშირის კვლევისა და ინოვაციის პროგრამის „ჰორიზონტი 2020“ ფარგლებში დაფინანსებული პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ („iHubs4Schools - Accelerating Digital Innovation in Schools through Regional Innovation Hubs and a Whole-School Mentoring Model“) ჩატარდა ვებინარი თემაზე: "COVID-19 as a catalyst for educational change?" - "COVID-19, როგორც საგანმანათლებლო ცვლილების კატალიზატორი? ".