ჰუმანიტარულ მეცნიერებათა ფაკულტეტის ევროპეისტიკის დარგობრივი დეპარტამენტის ასისტენტ-პროფესორმა მაია დუმბაძემ მესამე მისიის ფარგლებში, სკოლა „ევრო-2000“-ის მაღალკლასელ მოსწავლეებთან საინფორმაციო შეხვედრა გამართა. საინფორმაციო შეხვედრის მიზანი იყო მოსწავლეებისთვის ბათუმის შოთა რუსთაველის სახელმწიფო უნივერსიტეტის საგანმანათლებლო პროგრამების გაცნობა და სწავლის ინტერნაციონალიზაციაზე ყურადღების გამახვილება.

ბსუ-ში პოლონურ-ქართული ურთიერთობის ამსახველი ფოტოგამოფენა მოეწყო შოთა რუსთაველის საქართველოს ეროვნული სამეცნიერო ფონდის მიერ დაფინანსებული პროექტის − „პოლონელების დეპორტაცია საქართველოში და პოლონურ-ქართული გეოპოლიტიკური თანამშრომლობა (1830-1921)" − FR-22-9832 − ფარგლებში.

ბათუმის შოთა რუსთაველის სახელმწიფო უნივერსიტეტში ცნობილი ქართველი მკვლევრის, ივანე ჯავახიშვილის სახელობის აკადემიური პრემიის ლაურეატის, ბსუ-ს ქართველოლოგიის ცენტრის ხელმძღვანელის, მომავალი თაობების აღმზრდელის, პროფესორ მამია ფაღავას 70 წლის იუბილე აღინიშნა. საიუბილეოს სხდომაზე პროფესორ მამია ფაღავას იუბილე მიულოცეს, მის ღვაწლზე ისაუბრეს, წარმატებები უსურვეს და ხანგრძლივი ნაყოფიერი სამეცნიერო და პედაგოგიური მოღვაწეებისთვის მადლობის სიგელები და სამახსოვრო საჩუქრები გადასცეს აჭარის განათლებისა და სპორტის მინისტრმა მაია ხაჯიშვილმა და ბსუ-ს რექტორმა ტიტე აროშიძემ. მეცნიერის დამსახურებებზე ისაუბრეს ასევე ჰუმანიტარულ მეცნიერებათა ფაკულტეტის დეკანმა თეონა ბერიძემ, პროფესორ-მასწავლებლებმა, სტუდენტებმა და საზოგადოების წარმომადგენლებმა.

16-17 მარტს ბრიუსელში ევროკომისიისა და ევროპარლამენტის გენერალურმა დირექტორატებმა მთარგმნელობითი მიმართულებით სემინარები გამართეს კონფერენციის სინქრონული თარგმანის საერთაშორისო სასწავლო პროგრამების განვითარების, პროგრამული მხარდაჭერის, საერთაშორისო აკრედიტაციისა და კურსდამთავრებულთა დასაქმების შესაძლებლობების შესახებ.

70 წელი შეუსრულდა გამოჩენილ ქართველ მკვლევარს, ივანე ჯავახიშვილის სახელობის აკადემიური პრემიის ლაურეატს, ბსუ-ს ქართველოლოგიის ცენტრის ხელმძღვანელს, მომავალი თაობების აღმზრდელს, პროფესორ მამია ფაღავას. ბათუმის შოთა რუსთაველის სახელმწიფო უნივერსიტეტი პატივისცემითა და საუკეთესო სურვილებით ულოცავს მას ამ მნიშვნელოვან თარიღს.