ბსუ აგრძელებს ერთიანი ეროვნული გამოცდებისთვის მაღალმთიან აჭარაში მცხოვრები აბიტურიენტების უფასოდ მომზადებას
ბსუ უკვე მესამე წელია მაღალმთიან აჭარაში მცხოვრებ აბიტურიენტებს ერთიანი ეროვნული გამოცდებისთვის - მათემატიკაში, ინგლისურ ენაში, ქართულ ენასა და ლიტერატურაში უფასოდ ამზადებს. 1-ელ დეკემბერს უნივერსიტეტმა განაახლა აბიტურიენტთა მომზადების მოკლევადიანი მიზნობრივი საგანმანათლებლო პროგრამების განხორციელება შუახევისა და ხულოს მუნიციპალიტეტის მე-12 კლასის მოსწავლეებისთვის. ბსუ-ს რექტორის მოადგილე თამარ სირაძე მუნიციპალიტეტებში იმყოფებოდა, აბიტურიენტებს შეხვდა და ადგილზე გაეცნო პროგრამის მიმდინარეობას.
