ახალი ამბები

დასრულდა სტუდენტთა სამეცნიერო ცენტრის მიერ ორგანიზებული რეფრატულ ნაშრომთა კონკურსი. ერთკვირიანი კონკურსი 15 სექციის მიმართულებით მუშაობდა და ბათუმის შოთა რუსთაველის სახელმწიფო უნივერსიტეტის ხუთი ფაკულტეტის I და II კურსის 150 სტუდენტი მონაწილეობდა. ახალგაზრდებმა რეფერატული ნაშრომები მეცნიერების სხვადასხვა მიმართულების აქტუალურ საკითხებსა და პრობლებებზე წარმოადგინეს. პირველი, მეორე და მესამე ადგილის მფლობელ ახალგაზრდა მკვლევრებს სერტიფიკატები გადაეცათ და 14-21 მაისს დაგეგმილ სტუდენტთა სამეცნიერო კონფერენციაში მონაწილეობის უფლება მიენიჭათ.

სტუდენტური თვიმმართველობის ახლადარჩეული თავმჯდომარე უჩა აბრამიშვილი და გამგეობის წევრები განათლებისა და მეცნიერებათა, სოციალურ მეცნიერებათა, ბიზნესისა და სამართალმცოდნეობის, აგრარული ტექნოლოგიებისა და ეკოლოგიის, საინჟინრო-ტექნოლოგიური და ტურიზმის ფაკულტეტის სტუდენტებს შეხვდნენ. ახალგაზრდებმა თანატოლებს სტუდენტური გაერთიანების პრიორიტეტები, სამოქმედო გეგმა და სხვადასხვა სახის პროგრამები გააცნეს. კითხვა-პასუხის რეჟიმში წარმართულ შეხვედრებზე სტუდენტებმა ერთობლივი პროექტები შეიმუშევეს და საგანმანათლებლო, სამეცნიერო, კულტურული, სპორტული ღონისძიებები დაგეგმეს.

განათლებისა და მეცნიერებათა ფაკულტეტის ფილოლოგიის დეპარტამენტის სრული პროფესორის მამია ფაღავას წიგნის ,,შავშური ჩანაწერების” პრეზენტაცია შედგა. ნაშრომში აღწერილია თურქეთის საქართველოში განხორციელებული საველე ექსპედიციების შთაბეჭდილებები, აქ არსებული მატერიალური კულტურის ძეგლები და მათი მდგომარეობა. ავტორი წიგნში ასევე მოგვითხრობს ექსპედიციის წევრებსა და ჭოროხის ხეობის მკვიდრ ქართველებზე. პროფესორი მამია ფაღავა წლების განმავლობაში სამხრეთ-დასავლეთ საქართველოს, ისტორიულ ტაო-კლარჯეთს იკვლევს. 1995 წლიდან დღემდე იყო ორგანიზატორი და ხელმძღვანელი შავშეთში, კლარჯეთში, ტაოში, სპერში და ლაზეთში წარმოებული სამეცნიერო ექსპედიციებისა.

შოთა რუსთაველის დარბაზში მიგრაციის საერთაშორისო ორგანიზაციის პროექტის „ტრეფიკინგის შესახებ ცოდნის გაღრმავება განათლების ხელშეწყობის გზით“ წარდგინება გაიმართა. პროექტის კოორიდნატორმა ნინო გურგენიძემ სტუდენტებს, პროფესორ-მასწავლებლებსა და ისტორიის მასწავლებელთა ასოციაციის წევრებს ტრეფიკინგის პრევენციის და უსაფრთხო მიგრაციის ეროვნულ სასწავლო გეგმებში შეტანის მნიშვნელობაზე ესაუბრა. ასევე გააცნო ტრეფიკინგთან დაკავშირებული საფრთხე, მისი თავიდან აცილების გზები, მიგრაციის რეგულირება, ხელშეწყობა, განვითარება და იძულებითი მიგრაცია.

ბათუმის შოთა რუსთაველის სახელმწიფო უნივერსიტეტს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში გიორგი ბარამიძე ეწვია. საქართველოს ვიცე-პრემიერმა სტუდენტებთან და პროფესორ-მასწავლებლებთან გამართულ შეხვედრაზე ჩრდილოატლანტიკური ალიანსისა და საქართველოს ურთიერთობებზე, ნატო-ში გაწევრიანების მნიშვნელობაზე, ავღანეთში ISAF-ის სამშვიდობო ოპერაციაზე, კონფლიქტის მშვიდობიან დარეგულირებაზე, ქვეყნის უსაფრთხოებაზე, დეოკუპაციის პერსპექტივებზე და სხვა მნიშვნელოვან საკითხებზე ისაუბრა. შეხვედრის დასასრულს საქართველოს ვიცე-პრემიერმა გია ბარამიძემ სტუდენტების შეკითხვებს უპასუხა.