ახალი ამბები

„ERASMUS+”-ის საგრანტო პროექტის „პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში" პროექტის მენეჯერი, ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე და მკვლევარი ელისო ძნელაძე, მოწვეული მასწავლებელი, ტექნიკის მეცნიერებათა დოქტორი, აკადემიური საბჭოს სამდივნოს უფროსი, 2025 წლის 17 თებერვლიდან 23 თებერვლის ჩათვლით იმყოფებოდნენ უჟგოროდში (უკრაინა), პროექტის ფარგლებში დაგეგმილ ვორქშოფსა და საკოორდინაციო შეხვედრაზე.

სომხეთის რესპუბლიკის გენერალური კონსული ბათუმში, ნარინე მატოსიანი ბათუმის შოთა რუსთაველის სახელმწიფო უნივერსიტეტს ეწვია და ბსუ-ს რექტორს ტიტე აროშიძეს შეხვდა. გაცნობითი ხასიათის შეხვედრაზე მხარეებმა ორ ქვეყანას შორის არსებულ მეგობრულ ურთიერთობებზე ისაუბრეს და ბათუმის სახელმწიფო უნივერსიტეტსა და სომხეთის უმაღლეს საგანმანათლებლო დაწესებულებებს შორის მომავალი თანამშრომლობის პერსპექტივები განიხილეს. შეხვედრას ასევე ესწრებოდა სტრატეგიული განვითარებისა და საერთაშორისო ურთიერთობების დეპარტამენტის უფროსი მარინე გიორგაძე.

ბათუმის შოთა რუსთაველის სახელმწიფო უნივერსიტეტის რექტორმა, ტიტე აროშიძემ ცუკუბას უნივერსიტეტის (იაპონია) დელეგაციას უმასპინძლა. შეხვედრა უნივერსიტეტებს შორის პარტნიორობის გაღრმავებასა და საერთაშორისო აკადემიური თანამშრომლობის ახალ ეტაპზე გადასვლას ითვალისწინებდა. რექტორმა დელეგაციის წევრებს უნივერსიტეტის იაპონისტიკის მიმართულების განვითარების პერსპექტივები გააცნო და აკადემიური თანამშრომლობის სურვილი გამოთქვა. შეხვედრის ფარგლებში, ბსუ-ს წარმომადგენლებმა სტუმრებს უნივერსიტეტის ისტორია, საგანმანათლებლო პროგრამები და კვლევითი მიმართულებები გააცნეს.

ბათუმში აზერბაიჯანის რესპუბლიკის გენერალური კონსული ფუად აზიზოვი ბათუმის შოთა რუსთაველის სახელმწიფო უნივერსიტეტს ეწვია და უნივერსიტეტის რექტორს, ტიტე აროშიძეს შეხვდა. მხარეებმა ორ ქვეყნას შორის არსებული ურთიერთობები და განათლების სფეროში თანამშრომლობის პერსპექტივები განიხილეს. დაიგეგმა ერთობლივი სასწავლო-სამეცნიერო პროექტების და გაცვლითი პროგრამების განხორციელება. გაცნობითი ხასიათის შეხვედრას ბსუ-ს რექტორის მოადგილე, თამარ სირაძე და სტრატეგიული განვითარებისა და საერთაშორისო ურთიერთობების დეპარტამენტის უფროსი, მარინე გიორგაძე ესწრებოდნენ.

ბათუმის შოთა რუსთველის სახელმწიფო უნივერსიტეტის პროფესორებმა და მკვლევრებმა შოთა რუსთაველის საქართველოს ეროვნული სამეცნიერო ფონდის ფუნდამენტური კვლევების სახელმწიფო სამეცნიერო საგრანტო კონკურსში გაიმარჯვეს.