ბათუმის შოთა რუსთაველის სახელმწიფო უნივერსიტეტის რექტორმა, ტიტე აროშიძემ და ხარისხის უზრუნველყოფის სამსახურის ხელმძღვანელმა, ვლადიმერ ღლონტმა განათლების ხარისხის განვითარების ეროვნული ცენტრის მიერ ორგანიზებულ საერთაშორისო კონფერენციაში მიიღეს მონაწილეობა.
ბათუმის შოთა რუსთაველის სახელმწიფო უნივერსიტეტის რექტორმა, ტიტე აროშიძემ მონაწილეობა მიიღო საქართველოს ტექნიკურ უნივერსიტეტში გამართულ უმაღლესი საგანმანათლებლო დაწესებულებების რექტორთა მუდმივმოქმედი კონფერენციის რიგით მე-16 სხდომაში.
ბათუმის შოთა რუსთაველის სახელმწიფო უნივერსიტეტში ახალი სასწავლო წლის დაწყებასთან დაკავშირებით პირველსემესტრელ სტუდენტებთან საინფორმაციო შეხვედრები გაიმართა. სტუდენტებს ბსუ-ს რექტორის მოადგილე გიორგი ქათამაძე, ფაკულტეტების დეკანები, პროფესორ-მასწავლებლები, ადმინისტრაციის წარმომადგენლები შეხვდნენ და სწავლის დაწყება მიულოცეს. სტუდენტებმა შეხვედრებზე დეტალური ინფორმაცია მიიღეს საუნივერსიტეტო ცხოვრებაზე, მარეგულირებელ აქტებზე, აკადემიური შეფასების სისტემაზე, სტიპენდიებზე, გაცვლით პროგრამებზე, ელექტრონულ სერვისებსა და კულტურულ-საგანმანათლებლო პროექტებზე.
ბათუმის შოთა რუსთაველის სახელმწიფო უნივერსიტეტში ახალი სასწავლო წელი საზეიმოდ გაიხსნა. წელს ბსუ დაარსების 90 წლის იუბილეს და 90-ე სტუდენტთა მიღებას აღნიშნავს. პირველკურსელებს ახალი სასწავლო წლის დაწყება ბსუ-ს რექტორმა ტიტე აროშიძემ, აჭარის ა.რ. უმაღლესი საბჭოს თავმჯდომარე დავით გაბაიძესთან, აჭარის ა.რ. განათლებისა და სპორტის მინისტრ მაია ხაჯიშვილთან და აჭარის ა.რ. უმაღლესი საბჭოს განათლების, კულტურისა და სპორტის კომიტეტის თავმჯდომარე დავით ბაციკაძესთან ერთად მიულოცა. რექტორმა სტუდენტებს პროფესიული და პიროვნული განვითარება უსურვა, უნივერსიტეტში არსებული შესაძლებლობები გააცნო და სტუდენტური ცხოვრების მნიშვნელობაზე ისაუბრა.
ტექნოლოგიური ფაკულტეტის დეკანი გაიოზ ფარცხალაძე, რექტორის მოადგილე გიორგი ქათამაძე, ფაკულტეტის ადმინისტრაციის წარმომადგენლები და პროფესორ-მასწავლებლები პირველკურსელებს შეხვდნენ. ახალგაზრდებს სტუდენტობა მიულოცეს და წარმატებები უსურვეს. სტუდენტებმა შეხვედრაზე დეტალური ინფორმაცია მიიღეს საუნივერსიტეტო ცხოვრებაზე, მარეგულირებელ აქტებზე, აკადემიური შეფასების სისტემაზე, სტიპენდიებზე, გაცვლით პროგრამებზე, ელექტრონულ სერვისებსა და კულტურულ-საგანმანათლებლო პროექტებზე.
