განცხადებები

ბათუმის შოთა რუსთაველის სახელმწიფო უნივერსიტეტი აცხადებს მიღებას რეზიდენტურის ალტერნატიული დიპლომისშემდგომი განათლების სარეზიდენტო პროგრამებზე: სარეზიდენტო პროგრამა - „თერაპიული სტომატოლოგია“, მომიჯნავე სპეციალობა გადამზადების პროგრამა „ორთოპედიული სტომატოლოგია“, სპეციალობის პროგრამა - „პირის ღრუს ქირურგიული სტომატოლოგია“ და სპეციალიზაციის პროგრამა - „ბავშვთა და მოზარდთა თერაპიული სტომატოლოგია“.

შეგახსენებთ, რომ დაწყებულია ადმინისტრაციული წარმოება სწავლის საფასურის დავალიანების მქონე პირებისათვის ბსუ-ს სტუდენტის სტატუსის შეჩერების ბრძანების გამოსაცემად (რექტორის 20.12.2023 წ. N01-08/1037 ბრძანება). შემოდგომის სემესტრის სწავლის საფასურის დავალიანების მქონე პირებმა უმოკლეს ვადაში უნდა დაფარონ დავალიანება (იგეგმება 01.03.2024-დან სტატუსის შეჩერების შესახებ ბრძანების გამოცემა).

სხვა უმაღლესი სასწავლებლებიდან ბსუ–ში მობილობის წესით ჩარიცხვის მსურველი სტუდენტი ვალდებულია სსიპ - განათლების მართვის საინფორმაციო სისტემის ელექტრონულ პორტალზე (www.students.emis.ge) გაიაროს რეგისტრაცია 2024 წლის 30 იანვრიდან - 2024 წლის 8 თებერვლის 18:00 სთ-მდე და გადაიხადოს მობილობის საფასური (40 ლარი) .