შექმნილი ვითარებიდან გამომდინარე, ბათუმის შოთა რუსთაველის სახელმწიფო უნივერსიტეტის აკადემიური საბჭოს დადგენილებით, დამტკიცდა სასწავლო წლის ახალი აკადემიური კალენდარი. მიმდინარე სასწავლო სემესტრი დასრულდება 6 ივნისს, ხოლო დასკვნითი და განმეორებითი გამოცდები, სამაგისტრო და საბაკალავრო ნაშრომების დაცვები და აკადემიური ხარისხების მინიჭების სხდომები ჩატარდება 8 ივნისიდან 15 ივლისის ჩათვლით დისტანციური ფორმით, აკადემიური სტანდარტების სრული დაცვით.
ქვეყანაში ახალი კორონავირუსის (covid-19) გავრცელების პრევენციის მიზნით განხორციელებული ღონისძიებების ფარგლებში, შოთა რუსთაველის საქართველოს ეროვნულმა სამეცნიერო ფონდმა უზრუნველყო ელსევიერის ბაზებზე დისტანციური წვდომის შესაძლებლობა კონსორციუმის წევრი ორგანიზაციებისთვის. მიბმული ფაილის სახით გთავაზობთ მომსახურების გააქტიურების ინსტრუქციას Science Direct-ისათვის (აქ ატვირთული უნდა იყოს ფაილი მომხმარებლებისთვის).
პრემიერ-მინისტრთან არსებული უწყებათაშორისი საბჭოს ახალი რეკომენდაციისა და საქართველოს განათლების, მეცნიერების, კულტურისა და სპორტის მინისტრის განცხადების საფუძველზე ბსუ-ში არდადეგები 16 მარტამდე გახანგრძლივდება. ბსუ-ს სტუდენტებს და პროფესორ-მასწავლებლებს, დისტანციური სწავლების ფორმატის შესახებ, დეტალური ინფორმაცია (ინსტრუქცია) მიეწოდება მიმდინარე კვირის ბოლომდე.
გისურვებთ წარმატებებს!
ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოხატავს ბსუ-ს ნიკო ბერძენიშვილის ინსტიტუტის მთავარი მეცნიერ-თანამშრომლის ნანი გუგუნავას გარდაცვალების გამო. ღვაწლმოსილმა მკვლევარმა ნაყოფიერი, ხანგრძლივი და საინტერესო გზა განვლო. ნანი გუგუნავა 1961 წლიდან მუშაობდა ბათუმის შოთა რუსთაველის სახელმწიფო უნივერსიტეტში, კითხულობდა ლექციებს ბიოლოგიის კათედრაზე, პარალელურად 1975 წლიდან იგი ეწეოდა საზოგადოებრივ მოღვაწეობას.
