წითელას მასიური გავრცელების პრევენციის მიზნით ბათუმის შოთა რუსთაველის სახელმწიფო უნივერსიტეტში რამდენიმე ღონისძიება ტარდება. საქართველოს მთავრობის 2019 წლის 18 იანვრის #16 განკარგულების საფუძველზე, უნდა გამოვლინდნენ ის პირები, რომლებიც საჭიროებენ წითელას კომპონენტის შემცველი ვაქცინის ვაქცინაციას. სტუდენტები ვალდებულნი არიან ვაქცინის ჩატარების დამადასტურებელი სამედიცინო ცნობა წარმოადგინონ უმოკლეს ვადაში. აღნიშნული ვალდებულების შეუსრულებლობის შემთხვევაში ბსუ-ს ადმინისტრაცია განიხილავს ამ პირთათვის სტუდენტის სტატუსის შეჩერების საკითხს.
ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს თბილისში, ბუნებრივი აირის გაჟონვის შედეგად დატრიალებული ტრაგედიის გამო და სამძიმარს უცხადებს დაღუპულთა ოჯახებს. აფეთქების შედეგად დაშავებულ მოქალაქეებს სწრაფ გამოჯანმრთელებას უსურვებს.
გრიპის ვირუსის გავრცელების პრევენციისთვის განათლების, მეცნიერების, კულტურისა და სპორტის სამინისტროს რეკომენდაციის გათვალისწინებით, ბათუმის შოთა რუსთაველის სახელმწიფო უნივერსიტეტში სასწავლო პროცესი შეჩერდება 11 იანვრიდან 19 იანვრის ჩათვლით და განახლდება 21 იანვარს.
