ცხადდება კონკურსი ბსუ-ს საბუნებისმეტყველო მეცნიერებათა და ჯანდაცვის ფაკულტეტის სამივე საფეხურის სტუდენტებისთვის ევროკომისიის მიერ დაფინანსებული „ერაზმუს+“-ის ICM პროგრამის სტიპენდიის მოსაპოვებლად ზაარლანდის უნივერსიტეტში (https://www.uni-saarland.de/start.html, გერმანია). კონკურსის მიმართულებაა: ფარმაცია, ქიმია, ბიოლოგია.
ყაზახეთის იურიდიული უნივერსიტეტი (KAZGUU) გაცვლითი პროგრამის ფარგლებში აცხადებს მობილობას (5 სტუდენტი) ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის, ტურიზმის, იურიდიული და სოციალურ მეცნიერებათა ფაკულტეტების საბაკალავრო საგანმანათლებლო პროგრამების სტუდენტებისთვის. მობილობა განხორციელდება 2023-2024 სასწავლო წლის შემოდგომის/გაზაფხულის სემესტრებში. მობილობის ხანგრძლივობა: ერთი სემესტრი.
„Horizon Europe“ ევროპული ჩარჩო პროგრამისა და მარი სკლადოვსკა კიურის აქციების (MSCA Actions) ფარგლებში გამოცხადდა საგრანტო კონკურსები 2023, 2024 და 2025 წლებისთვის. კონკურსების მიზანია კვლევითი ხარისხის ამაღლება, ცოდნის გაღრმავება და ინოვაციური იდეებისთვის ხელშეწყობა, ასევე საერთაშორისო კავშირების დამყარება. კონკურსებში მონაწილეობა შეუძლიათ როგორც სამეცნიერო პერსონალს (მათ შორის დოქტორანტები, პოსტდოკები), ასევე ორგანიზაციებს. პროექტების ფარგლებში შესაძლებელია კონფერენციებისა და ვორქშოფების ორგანიზება, ასევე მობილობა ევროპულ სამეცნიერო სივრცეებში.
შოთა რუსთაველის საქართველოს ეროვნული სამეცნიერო ფონდი აცხადებს 2023 წლის მეცნიერების პოპულარიზაციისათვის მიზნობრივ საგრანტო კონკურსს. კონკურსის მიზანია მეცნიერების პოპულარიზაცია ფართო საზოგადოებაში, საქართველოს მეცნიერების, ტექნოლოგიებისა და ინოვაციების სისტემაში მიმდინარე რეფორმების გაშუქება, საერთაშორისო სამეცნიერო სივრცეში და საქართველოში საუკეთესო, გამორჩეული სამეცნიერო კვლევითი პროგრამებისა და პროექტების, აგრეთვე საერთაშორისო თანამშრომლობის პერსპექტივების შესახებ საზოგადოების ცნობიერების ამაღლება.
შოთა რუსთაველის საქართველოს ეროვნული სამეცნიერო ფონდი აცხადებს 2023 წლის დოქტორანტურის საგანმანათლებლო პროგრამების დაფინანსების კონკურსს. კონკურსის მიზანია
ინტელექტუალური პოტენციალის განვითარება და მაღალი კვალიფიკაციის სამეცნიერო პერსონალის მომზადება, უმაღლეს საგანმანათლებლო დაწესებულებებში არსებული ინტელექტუალური პოტენციალის მიზნობრივი გამოყენება, სამეცნიერო კვლევისათვის სათანადო პირობების შექმნა, დოქტორანტებისა და უნივერსიტეტების უცხოეთში არსებულ უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობა და ამ გზით საქართველოში უმაღლესი განათლების ხარისხის ამაღლება და ახალგაზრდა მეცნიერთა საერთაშორისო სამეცნიერო საზოგადოებაში ინტეგრირება.
