გამოცხადდა „ერაზმუს+“-ის გაცვლითი პროგრამის კონკურსი PEERS პროექტის (პორტუგალია) ფარგლებში, საქართველოს მასშტაბით, რომელშიც ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს ეძლევა საშუალება, მიიღოს მონაწილეობა. განაცხადები მიიღება ელექტრონულად მიმღებ უნივერსიტეტებში პირდაპირი წესით - რეგისტრაციის ბოლო დღე 2023 წლის 31 მაისი.
გერმანული აკადემიური გაცვლის სამსახურის (DAAD) მხარდაჭერით სტუდენტებისათვის, ახალგაზრდა მეცნიერებისა და გამომგონებლებისათვის ხორციელდება პროექტი „Falling Walls Lab“. პროექტში მონაწილეობის მსურველებმა უნდა წარმოადგინონ იდეა სულ რაღაც 3 წუთში Science Slam-ის ფარგლებში სახელწოდებით „Falling Walls Lab Tbilisi“, რომელიც 1 ივნისს გაიმართება. გამარჯვებული პროქტი მონაწილეობას მიიღებს „Falling Walls Lab“-ის ფინალურ ტურში, რომელიც 9 ნოემბერს ბერლინში შედგება.
აშშ-ს საერთაშორისო განვითარების (USAID) პროექტის „სამეწარმეო განათლების მხარდაჭერა ევროპასა და ევრაზიაში", "მეწარმეობის საფუძვლების" პროგრამის სწავლების ხელშეწყობის ფარგლებში "ჯუნიორ ეჩივმენტ საქართველო" პროფესიული საგანმანათლებლო დაწესებულებებს, პროფესიული განათლების მასწავლებლებსა და სტუდენტებს უსასყიდლოდ სთავაზობს სხვადასხვა სახის მომსახურებას.
