17-20 ივლისს ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ერთობლივი კავკასიის მეექვსე საერთაშორისო სიმპოზიუმი „პოლიმერები და მოწინავე მასალები“ გაიმართება. საერთაშორისო სიმპოზიუმში მონაწილოებას მიიღებენ მეცნიერები საქართველოს, გერმანიის, საფრანგეთის, პოლონეთის, ბელგიის ყაზახეთის, ბელორუსიის, უკრაინის, სომხეთის, აზერბაიჯანის ირანის და სხვა ქვეყნების სამეცნიერო ცენტრებიდან. სიმპოზიუმის მიზანია პოლიმერებისა და მათ საფუძველზე მიღებული კომპოზიციური მასალების, კომპოზიტების სფეროში არსებული თანამედროვე სამეცნიერო-ტექნიკური ნამუშევრების შედეგების განხილვა და ახალი, პრაქტიკაში ფართოდ გამოყენებადი პოლიმერული მასალების წარმოჩენა.
ბათუმის შოთა რუსთაველის სახელმწიფო უნივერსიტეტიში 28, მაისს, 11:00 საათზე ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი” ფარგლებში გაიმართება მეშვიდე სამეცნიერო კონფერენცია. სესიაში სტუდენტებთან ერთად, აჭარის საჯარო და კერძო სკოლების მოსწავლეები მიიღებენ მონაწილეობას. კონფერენციის მიზანია უნივერსიტეტისა და სკოლის თანამშრომლობის ხელშეწყობა, მოსწავლეებსა და სტუდენტებში შემოქმედებითი, თანამშრომლობითი და კომუნიკაციური უნარ-ჩვევების განვითარება, კრიტიკული აზროვნების ჩამოყალიბება და ნიჭიერი ახალგაზრდების გამოვლენა.
17 მაისს, 12:00 საათზე, ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში გაიმართება სამეცნიერო კონფერენცია „ბათუმის ბულვარი - წარსული და თანამედროვეობა“. ბათუმის სახელმწიფო უნივერსიტეტისა და ბათუმის ბულვარის თანამშრომლობის ფარგლებში დაგეგმილ სამეცნიერო სესიაში მონაწილეობის მიღება შეეძლებათ ბულვარის თემატიკით დაინტერესებულ პირებს.
