ანონსები

ბათუმის შოთა რუსთაველის სახელმწიფო უნივერსიტეტში, 19 ივლისს მუშაობას იწყებს „ქართული ლიტერატურისა და ლიტერატურული პროცესის შემსწავლელი სეზონური სკოლა“. „სკოლის“ ფარგლებში ჩატარდება ლექციები და სემინარები. სტუდენტები იმუშავებენ ტექსტებზე, ლიტერატურისა და მხატვრული სტილისტიკის პრობლემებზე. გაიმართება წამახალისებელი კონკურსი საუკეთესო ნამუშევრის გამოსავლენად. გამარჯვებული ნაშრომი გამოქვეყნდება ლიტერატურულ ჟურნალ „არილის“ საიტზე.

15 ივლისს, 18:00 საათზე ბათუმის შოთა რუსთაველის სახელმწიფო უნივერსიტეტში გაიმართება მათემატიკის დეპარტამენტის ასოცირებულ პროფესორ ზებურ ავალიანის ხსოვნისადმი მიძღვნილი საუნივერსიტეტო საჭადრაკო ტურნირი „ზებურ ავალიანის თასი - 2022“. ტურნირში მონაწილეობა შეუძლია სტუდენტებს, პროფესორ-მასწავლებლებსა და სხვა დაინტერესებულ პირებს. შეჯიბრებაში გამარჯვებულები და პრიზიორები დაჯილდოვდებიან სიგელებით, თასითა და სამახსოვრო საჩუქრებით.
რეგისტრაციის გავლა შესაძლებელია ბსუ-ს სტუდენტთა კარიერული განვითარების, კულტურისა და სპორტის დეპარტამენტში ან შეავსეთ ფორმა ონლაინ ფორმატში შემდეგ მისამართზე:https://forms.gle/mqd2VpXNaHJS9ebt5

ბათუმის შოთა რუსთაველის სახელმწიფო უნივერსიტეტი გაწევრიანდა JSTOR-ის სამეცნიერო ბაზაში. JSTOR-ი, ციფრული ბიბლიოთეკა უზრუნველყოფს წვდომას 12 მილიონ სტატიაზე, წიგნებზე, გამოსახულებებზე და 75 დისციპლინის პირველად წყაროებზე. ინფორმაციის გავრცელებისა და ბაზაში დარეგისტრირების მიზნით, სამეცნიერო კვლევების სამსახურისა და ბსუ-ს ბიბლიოთეკის თანამშრომლები ჩაატარებენ პრეზენტაციას განრიგის მიხედვით.

5 ივლისს, ბათუმში, საქართველოს განათლებისა და მეცნიერების სამინისტროს, აჭარის ავტონომიური რესპუბლიკის განათლების, კულტურისა და სპორტის სამინისტროსა და ბათუმის შოთა რუსთაველის სახელმწიფო უნივერსიტეტის ორგანიზებით სამეცნიერო-საგანმანათლებლო ღონისძიება: „შავი ზღვის ლურჯი პოლიტიკა“გაიმართება.
ღონისძიების ფარგლებში წარმოდგენილი იქნება შავი ზღვისა და ზღვისპირა რეგიონის ბიომრავალფეროვნების, ეკოლოგიის, ბუნებრივი რესურსების, კლიმატის, სოციალურ-ეკონომიკური, პოლიტიკური, კულტურულ-ისტორიული და სხვა მიმართულებით არსებული უახლესი სამეცნიერო კვლევების პრეზენტაცია, გამოფენები, კონფერენცია, ვორკშოფები, შემეცნებითი ვიქტორინები, ექსპერიმენტები მოსწავლეებისათვის და სხვა აქტივობები.

4 ივლისს, 19:00 საათზე, ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილი ღონისძიებათა ციკლის ფარგლებში ლექციას ჩაატარებს კრაკოვის ეკონომიკის უნივერსიტეტის ასოცირებული პროფესორი, დოქტორი, აგნეშკა გლოდოვსკა. მისი კვლევის ინტერესის სფეროა საერთაშორისო მეწარმეობა, სამეწარმეო ინტერნაციონალიზაცია, ფინანსური ბაზრების ანალიზი და რისკები საერთაშორისო ბიზნესში. ლექციაზე დასწრება შესაძლებელია შემდეგი ბმულით: https://us02web.zoom.us/j/6512205258