ევროპის აკადემიის თბილისის ცენტრისა (ჰაბი) და ახალი ტექნოლოგიების ლაბორატორია -“ ჯეოლაბის” ერთობლივი ინიციატივის ფარგლებში, გრძელდება საერთაშორისო პროექტი „ტექნოლოგიის მომავალი ლიდერები“, რომელსაც საფუძველი გასულ წელს ჩაეყარა. ის მიზნად ისახავს თანამედროვე ტექნოლოგიების მიმართულებით მონაწილეთათვის ქმედითი, დინამიური და ფუნქციური ცოდნის გადაცემას.
29 ივნისს, 11:00 საათზე, ბსუ-ში, 55-ე აუდიტორიაში, ფრანკოფონიის საუნივერსიტეტო სააგენტოს AUF-ის, ბათუმის შოთა რუსთაველის სახელწიფო უნივერსიტეტის, აჭარის ტურიზმისა და კურორტების დეპარტამენტის, აჭარის ფრანგული ენის მასწავლებელთა ასოციაციისა და საქართველოს ფრანგული ინსტიტუტის მხარდაჭერით, ტარდება კონკურსი „ჩემი თემა 180 წამში“. კონკურსი საშუალებას აძლევს ფრანგულენოვან დოქტორანტებს წარუდგინონ თავისი კვლევა ფართო აუდიტორიას. თითოეულმა მონაწილემ სამ წუთში უნდა გააკეთოს მკაფიო, ლაკონური და დამაჯერებელი პრეზენტაცია თავისი საკვლევი თემის შესახებ. კონკურსში მონაწილეობენ საქართველოს უმაღლესი სასწავლებლების დოქტორანტები.
28 ივნისიდან - 1 ივლისის ჩათვლით, ბათუმის შოთა რუსთაველის სახელმწიფო უნივერსიტეტში, საქართველოს საგარეო პოლიტიკის სტრატეგიულ მიმართულებებზე, ლევან მიქელაძის სახელობის დიპლომატიური სასწავლო და კვლევითი ინსტიტუტი „საქართველოს საგარეო პოლიტიკისა და მისი პრიორიტეტების საკითხებზე“ლექციების ციკლის განხორციელებას იწყებს. ლექციებს უძღვებიან დიპლომატიური ინსტიტუტის მკვლევრები, ელჩები მიხეილ უკლება - ელჩი, მკვლევარი, მერაბ ანთაძე - ელჩი, მკვლევარი, ნიკოლოზ რთველიაშვილი - ელჩი, მკვლევარი, მამუკა ციხელაშვილი - ელჩი, მკვლევარი, გიორგი ყარალაშვილი - ელჩი, მკვლევარი, თეიმურაზ შარაშენიძე - ელჩი, მკვლევარი, იოსებ დანელია - დესპანი, მკვლევარი.
23 ივნისს,12:00 საათზე, ბათუმის შოთა რუსთაველის სახელმწიფო უნივერსიტეტში (32-ე აუდიტორია) ილიას სახელმწიფო უნივერსიტეტის პროფესორი პაატა ბუხრაშვილი ლექციას წაიკითხავს თემაზე: „3 000 წლის წინანდელი სამლოცველო მთა ნაზარლებზე“. ლექციაზე საუბარი იქნება დედოფლისწყაროს მუნიციპალიტეტში, შირაქის ზეგანზე, მთა ნაზარლების თხემზე, ერთობლივი ქართულ-გერმანული არქეოლოგიური ექსპედიციის მიერ ახლად აღმოჩენილ, ძალზე საინტერესო არქეოლოგიური ძეგლის (ქრისტემდე XII-X სს.) თაობაზე. წარმოდგენილი იქნება არგუმენტირებული ვარაუდები და დასკვნები აღნიშნული არქეოლოგიური ძეგლის შესახებ და მის მნიშვნელობაზე კავკასიის გვიანი ბრინჯაო-ადრე რკინის ხანის კულტურათა სისტემაში.
ეკონომიკის და ბიზნესის ფაკულტეტის 25 წლის იუბილის ფარგლებში, მიმდინარე წლის 21 ივნისს, 12.00 საათზე, 423-ე აუდიტორიაში გაიმართება თბილისის ივანე ჯავახიშვილის სახელობის სახელმწიფო უნივერსიტეტის პროფესორ თეიმურაზ შენგელიას, ასოცირებული პროფესორის ხათუნა ბერიშვილის, ბიზნეს ადმინისტრირების დოქტორების: ბონდო გასვიანისა და თინათინ ჟორჟოლიანის მონოგრაფიის „კროსკულტურული ურთიერთობები საერთაშორისო ბიზნესში“ წარდგენა.
