ანონსები

11 ივნისს, 17:00 საათზე, ონლაინ რეჟიმში გაიმართება სტატიების კრებულის „მედიაციის მნიშვნელობა და განვითარების პერსპექტივა საქართველოში“ პრეზენტაცია. სტატიების კრებული „ERASMUS+“-ის პროექტის Mediation: training and society transformation/MEDIATS ფარგლებში შეიქმნა და მასში წარმოდგენილია ბათუმის შოთა რუსთაველის სახელმწიფო უნივერსიტეტისა და ილიაუნის სამართლის სკოლის პროფესორ-მასწავლებლების ნაშრომები მედიაციის შესახებ. წარდგენა ილიას სახელმწიფო უნივერსიტეტის სამართლის სკოლის ორგანიზებით იმართება.

7-10 ივნისს "Research in Germany“ -ის ორგანზიებით გაიმართება ონლაინ დისკუსია თემაზე: „გერმანიის სამეცნიერო ლანდშაფტი". ონლაინ დისკუსიაში მონაწილეობა შეუძლიათ მაგისტრატურის სტუდენტებს, დოქტორანტებბს და ახალგაზრდა პოსტდოკებს. ინფორმაცია ღონისძიების შესახებ იხილეთ შემდეგ მისამართზე: https://www.research-in-germany.org/events/rig-events/2021/2021-06-07_Online_talk__The_German_Research_Landscape.html

UNESCO მესამედ აცხადებს ფოტოკონკურსს „ახალგაზრდების თვალით დანახული აბრეშუმის გზა“. კონკურსის მთავარი თემებია: ტექსტილი და სამოსი და კულტურული ურთიერთობები კოვიდ-19-ის დროში, მათ შორის ტექსტილისა და სამოსის სფეროში. მასში მონაწილეობის მიღება შეუძლიათ 14-დან 25 წლამდე ახალგაზრდებს ორ ასაკობრივ კატეგორიად 14-დან 17 წლამდე და 18-დან 25 წლამდე. შემრჩევი კომისიის წევრები შეისწავლიან ფოტონამუშევრებს და გამოავლენენ გამარჯვებულებს თითოეული კატეგორიიდან (3-3 გამარჯვებული თითო კატეგორიიდან).

საქართველოს სახელმწიფოებრივი დამოუკიდებლობის აღდგენის დღე ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნება. აჭარის მუზეუმთან გაფორმდება თანამშრომლობის მემორანდუმი, ბსუ-ს I კორპუსის ფოიეში გაიხსნება აჭარის მუზეუმის ფონდებში დაცული მასალების გამოფენა და ჩატარდება საქართველოს დამოუკიდებლობის აღდგენის 103 წლისადმი მიძღვნილი სამეცნიერო კონფერენცია.

14 აპრილს, 14:00 საათზე, 55-ე აუდიტორიაში, ბათუმის შოთა რუსთაველის სახელმწიფო უნივერსიტეტში, „ქართული ენის დღის“ კვირეულის ფარგლებში ჰუმანიტარულ მეცნიერებათა ფაკულტეტის ქართველოლოგიის ცენტრის მკვლევართა ჯგუფის მონოგრაფიების „ტაო“ და „მარადიდი“ წარდგენა გაიმართება. პროფესორ-მასწავლებლებმა მონოგრაფიები შოთა რუსთაველის საქართველოს ეროვნული სამეცნიერო ფონდის საგრანტო პროექტების ფარგლებში მოამზადეს.