ანონსები

22 იანვარს, 12:00 საათზე, ბათუმის შოთა რუსთაველის სახელმწიფო უნივერსიტეტში (55-ე აუდიტორია) ალერგოლოგ-იმუნოლოგი ბიძინა კულუმბეგოვი კორონავირუსისა და მისი საწინააღმდეგო ვაქცინაციის შესახებ საინფორმაციო შეხვედრას გამართავს. ღონისძიებაზე ბიძინა კულუმბეგოვი სტუდენტებისა და პროფესორ-მასწავლებლების შეკითხვებს უპასუხებს. შეხვედრის დასრულების შემდეგ, მსურველებს შეეძლებათ, სპეციალისტების ზედამხედველობის ქვეშ აიცრან. შეხვედრაზე დასწრება თავისუფალია და წინასწარი რეგისტრაცია შესაძლებელია აღნიშნულ ბმულზე.

საქართველოს პრეზიდენტი აწესებს თბილისის სახელმწიფო უნივერსიტეტის ერთ-ერთი დამაარსებლისა და პირველი ლექტორი ქალის, ქველმოქმედის, პოეტისა და მთარგმნელის, ორბელიანების სასახლის დიასახლისის, ელისაბედ ორბელიანის სახელობის ჯილდოს საუკეთესო ქართული სტუდენტური თარგმანისათვის.

„წიგნების თაროს” მე-8 სტუდენტური სეზონი დაიწყო. ღონისძიებაში მონაწილეობის მსურველმა სტუდენტებმა უნდა გაიარონ რეგისტრაცია, რომელიც ითვალისწინებს ორ ეტაპს. თითოეული უმაღლესი სასწავლებლიდან გადაცემაში მონაწილე გუნდების რაოდენობა შეზღუდული არ არის.

15 დეკემბერს, 16:30 საათზე, 55-ე აუდიტორიაში გაეროს ბავშვთა ფონდის წარმომადგენელი ღასან ხალილი საჯარო ლექციას ჩაატარებს თემაზე "ბავშვის უფლებებზე დაფუძნებული განათლება".
დამსწრე პირებმა უნდა წარმოადგინონ „მწვანე პასპორტი“ ან ანტიგენის „სწრაფი ტესტის“ უარყოფითი პასუხი (ტესტის აღება შესაძლებელია 117-ე აუდიტორიაში, 10:00-დან 16:00 საათამდე)

10 დეკემბერს, 14:00 საათზე, ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის ორგანიზებით ჭაბუა ამირეჯიბის 100 წლისადმი მიძღვნილი ღონისძიება გაიმართება. ბსუ-ს ჰუმანიტარულ მეცნიერებათა ფაკულტეტის პროფესორ-მასწავლებლები და მოწვეული სტუმრები საიუბილეო ღონისძიებაზე ისაუბრებენ კლასიკოსი მწერლის ჭაბუა ამირეჯიბის ცხოვრებასა და შემოქმედებაზე.