2019 წლის 9-10 დეკემბერს, ბათუმის შოთა რუსთაველის სახელმწიფო უნივერსიტეტში (32-ე აუდიტორია) ფრანკოფონიის საუნივერსიტეტო სააგენტოს ორგანიზებით გაიმართება ტრენინგი „მე ვარ ბრენდი!, ანუ როგორ წარვადგინო საკუთარი თავი?“. 12-საათიანი ტრენინგის მიზანია, მსმენელმა შეძლოს საკუთარი კომპეტენციების შეფასება, დასაქმების ბაზარის ანალიზი და ადეკვატური შეთავაზების გაკეთება პოტენციური დამსაქმებლისათვის.
28 ოქტომბერს, 14:00 საათზე, ბათუმის შოთა რუსთაველის სახელმწიფო უნივერსიტეტში (I კორპუსის ფოიე) გაიხსნება გამოფენა „ბულგარეთის ძეგლები იუნესკოს მფარველობის ქვეშ“. გამოფენაზე წარმოდგენილი იქნება იუნესკოს მსოფლიო მემკვიდრეობის სიაში შეტანილი ბულგარეთის მდიდარი ისტორიული, კულტურული მემკვიდრეობისა და მრავალფეროვანი ბუნების ამსახველი ფოტომასალა, რომელიც დამზადებულია ცნობილი ფოტოგრაფის ალექსანდრე ნიშკოვის მიერ. ღონისძიება საქართველოში ბულგარეთის რესპუბლიკის საელჩოსა და საქართველოს ეროვნული მუზეუმი ორგანიზებით გაიმართება.
16 ოქტომბერს, 12:30 საათზე, ბათუმის შოთა რუსთაველის სახელმწიფო უნივერსიტეტის 32-ე აუდიტორიაში განათლების პოლიტიკის, დაგეგმვისა და მართვის საერთაშორისო ინსტიტუტის პროექტის “ევროკავშირის პოლიტიკასა და პრაქტიკასთან ასოცირება: უწყვეტი განათლების პრინციპების დანერგვა მდგრადი განვითარებისათვის” პრეზენტაცია გაიმართება.
14 ოქტომბერს, 13:00 საათზე, ბათუმის შოთა რუსთაველის სახელმწიფო უნივერსიტეტში (534-ე აუდიტორია) სხეულზე ორიენტირებული ფსიქოთერაპევტი, ფსიქოლოგი, ბიოსინთეზის, ბიოენერგეტიკის, იუნგიანისეული ანალიზის, კლინიკური ჰიპნოზის სპეციალისტი, საერთაშორისო ტრენერი და სუპერვიზორი, საბერძნეთის ბიოსინთეზის ინსტიტუტის დირექტორი, პროფესორი ლილი ანაგდოსტოპულო საჯარო ლექციას წაიკითხავს თემაზე: „კონტაქტი ბიოსინთეზში“. ლილი ანაგდოსტოპულო სტუდენტებსა და პროფესორ-მასწავლებლებს გააცნობს ისეთ აქტუალურ საკითხს, როგორიცაა კონტაქტის დამყარება ბიოსინთეზურ მიდგომაში.
11 ოქტომბერს, 16:00 საათზე, ბათუმის შოთა რუსთაველის სახელმწიფო უნივერსიტეტში (534-ე აუდიტორია), ამერიკელი დოქტორი, ლიცენზირებული ფსიქიატრიული ჯანმრთელობის მრჩეველი (LMHC), ლიცენზირებული ოჯახის თერაპევტი (LMFT), EMDR სერტიფიცირებული თერაპევტი, EMDR კონსულტანტი ტრენინგში, ნეიროფიდბეკის სერთიფიცირებული თერაპევტი გულნორა ჰანდლი, საჯარო ლექციას ჩაატარებს თემაზე: „კომუნიკაციის საფუძვლები“. დოქტორი გულნარა ჰადლი ლექციაზე კომუნიკაციის ისეთ აქტუალურ საკითხებს წარმოადგენს, როგორიცაა: აზრის მკაფიოდ გამოთქმა, ინფორმაციის გადაცემა და მიღება, არგუმენტის ჩამოყალიბება, დისკუსია და კრიტიკული აზროვნება.
