16 ოქტომბერს 15:00 – 18:00 საათზე და 17 ოქტომბერს 15:00 – 19:00 საათზე გერმანიის აკადემიური გაცვლის სამსახურის DAAD-ის ორგანიზებით, სტუდენტებისათვის ვირტუალური საგანმანათლებლო გამოფენა მოეწყობა. ღონისძიებაზე გერმანული უმაღლესი დაწესებულებები საგანმანათლებლო პროგრამებს წარმოადგნენ. გამოფენაში მონაწილეობის მსურველმა ონლაინ რეგისტრაცია უნდა გაიაროს.
15 ოქტომბერს, 16:00 საათზე, ონლაინ საინფორმაციო შეხვედრა გაიმართება გერმანიის აკადემიური გაცვლის სამსახურის DAAD-ის სტიპენდიების შესახებ. შეხვედრაზე ბათუმის შოთა რუსთაველის სახელმწიფო უნივერსიტეტის სწავლების სამივე საფეხურის სტუდენტები და მკვლევარები გაეცნობიან სასწავლო, კვლევით სტიპენდიებსა და საზაფხულო ენის კურსებში მონაწილეობის წესებს. საინფორმაციო შეხვედრაზე დასასწრებად აუცილებელია ონლაინ რეგისტრაციის გავლა
26 მაისს, 14:00 საათზე, Zoom-ის ონლაინ პლატფორმაზე, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ორგანიზებით საქართველოს დამოუკიდებლობის აღდგენის 102 წლისადმი მიძღვნილი სამეცნიერო კონფერენცია გაიმართება.
26 მაისს, 12:00 საათზე, ZOOM-ის ონლაინ პლატფორმაზე, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტი საქართველოს დამოუკიდებლობის დღისადმი მიძღვნილ კონფერენციას: „დამოუკიდებლობის მოპოვება, აღდგენა, შენარჩუნება“ ჩაატარებს.
2020 წლის 21 მაისს, 12.00 საათზე, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტი ევროსაბჭოს პროექტის „დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ ბრძოლა საქართველოში“ ფარგლებში ატარებს სტუდენტთა ონლაინ სამეცნიერო კონფერენციას თემაზე: „ჰარმონიული თანაცხოვრება მრავალფეროვან გარემოში“.
