21 მაისს, 12:00 საათზე, ბათუმის შოთა რუსთველის სახელმწიფო უნივერსიტეტში, 530-ე აუდიტორიაში (II კორპუსი) რუმინეთის მეცნიერებათა აკადემიის წევრი, კონსტანცის უნივერსიტეტის პროფესორი, თსუ-ს საპატიო დოქტორი ნიკოლაე დურა საჯარო ლექციას წაიკითხავს თემაზე: „საქართველო-რუმინეთის ურთიერთობათა ისტორიიდან“.
29 მაისს, 12:00 საათზე, ბათუმის შოთა რუსთაველის სახელმწიფო უნივერსიტეტში (ტექნოლოგიური ფაკულტეტი, ფიროსმანის ქ. #12) ინოვაციების ცენტრი გაიხსნება. ცენტრი Erasmus+“-ის საგრანტო პროექტის -„InnoCENS Project“ (Enhacing Innovation Competencesand Entrepreneurial Skillsin Engineering Education - ინოვაციური კომპეტენციებისა და სამეწარმეო უნარების ამაღლება საინჟინრო განათლებაში) ფარგლებში შეიქმნა და მიზნად ისახავს საინჟინრო სწავლებაში თანამედროვე სამეწარმეო მიდგომების დანერგვას, ინოვაციური კომპეტენციების განვითარებას, სტარტაპებისა და სპინოფების ჩამოყალიბებას.
18 მაისს, 13:00 საათზე, ბათუმის შოთა რუსთველის სახელმწიფო უნივერსიტეტში (II კორპუსი, 430-ე აუდიტორია) X საერთაშორისო სამეცნიერო კონფერენცია გაიხსნება თემაზე: „ჩვენი სულიერების ბალავარი“. ორდღიან საერთაშორისო სესიაში ქართველი და უცხოელი მეცნიერები მოხსენებებს წარმოადგენენ ქართული მართლმადიდებლური ეკლესიის ისტორიაზე, ქრისტიანული სარწმუნოების წიაღში განვითარებულ ლიტერატურაზე, კულტურასა და ხელოვნებაზე, ეთნიკურ და რელიგიურ ტოლერანტობაზე, კულტურათა დიალოგზე, სწავლებასა და აღზრდაზე.
