ანონსები

18 მაისს, 13:00 საათზე, ბათუმის შოთა რუსთველის სახელმწიფო უნივერსიტეტში (II კორპუსი, 430-ე აუდიტორია) X საერთაშორისო სამეცნიერო კონფერენცია გაიხსნება თემაზე: „ჩვენი სულიერების ბალავარი“. ორდღიან საერთაშორისო სესიაში ქართველი და უცხოელი მეცნიერები მოხსენებებს წარმოადგენენ ქართული მართლმადიდებლური ეკლესიის ისტორიაზე, ქრისტიანული სარწმუნოების წიაღში განვითარებულ ლიტერატურაზე, კულტურასა და ხელოვნებაზე, ეთნიკურ და რელიგიურ ტოლერანტობაზე, კულტურათა დიალოგზე, სწავლებასა და აღზრდაზე.

10 მაისს, 14:00 საათზე, ევროპის დღეების ფარგლებში ბათუმის შოთა რუსთაველის სახელმწიფო უნივერსიტეტის ფოიეში (I კორპუსი) შეხვედრა გაიმართება სტუდენტებთან. ღონისძიებაში მონაწილეობას მიიღებენ ბსუ-ს ერაზმუს+-ის გაცვლითი პროგრამის მონაწილე ქართველი და უცხოელი სტუდენტები სხვადასხვა ევროპული უნივერსიტეტიდან. სტრატეგიული განვითარებისა და საგარეო ურთიერთობათა დეპარტამენტი კონსულტაციას გაუწევს ევროპაში განათლების მიღებით დაინტერესებულ სტუდენტებს.

ბათუმის შოთა რუსთაველის სახელმწიფო უნივერსიტეტში ესპანურ ცენტ „იბერიასთან“ ერთად, ამოქმედდება ესპანური ენის შემსწავლელი კურსები. მსურველებს გთხოვთ, მობრძანდეთ სამშაბათს, 1 მაისს, 16:00 საათზე, ბსუ-ს Iკორპუსში, 32-ე აუდიტორიაში.

25 აპრილს, 12:00 საათზე (ბათუმი, ლეონიძის ქ. N15) საქართველოს განათლებისა და მეცნიერების მინისტრი მიხეილ ჩხენკელი, აჭარის ა.რ. მთავრობის თავმჯდომარე ზურაბ პატარაძე, ბსუ-ს რექტორი მერაბ ხალვაში და აჭარის ა.რ. განათლების, კულტურისა და სპორტის მინისტრი ინგა შამილიშვილი მონაწილეობას მიიღებენ ბათუმის შოთა რუსთაველის სახელმწიფო უნივერსიტეტის სასწავლო კორპუსის საძირკვლის ჩაყრის საზეიმო ცერემონიაში. მინისტრი მიხეილ ჩხენკელი ასევე დაათვალიერებს სტუდენტთა მშენებარე საცხოვრებელს და გაეცნობა უმაღლესი საგანმანათლებლო დაწესებულების მატერიალურ-ტექნიკურ ბაზას.

ნატოს დღეების ფარგლებში, 22 აპრილს, 19.00 საათზე, ბათუმის შოთა რუსთაველის სახელმწიფო უნივერსიტეტში, საქართველოს საგარეო საქმეთა მინისტრი მიხეილ ჯანელიძე აჭარის რეგიონის ადგილობრივი თვითმმართველობების წარმომადგენლებს, უნივერსიტეტის პროფესორ-მასწავლებლებს, სტუდენტებს და სამოქალაქო სექტორისა და მედიის წარმომადგენლებს შეხვდება.