15 ივლისს, 19:00 საათზე, ბათუმის შოთა რუსთაველის სახელმწიფო უნივერსიტეტის ეზოში კურსდამთავრებულთა 86-ე გამოშვების ცერემონია გაიმართება. მანტიებში გამოწყობილ კურსდამთავრებულებს წარჩინებული სწავლის, სამეცნიერო კონფერენციებში მონაწილეობისათვის, სტუდენტურ ცხოვრებაში შეტანილი წვლილისა და უნივერსიტეტის პოპულარიზაციისათვის სერტიფიკატები გადაეცემათ. საზეიმო ცერემონიაზე ჯანდაცვის მიმართულების კურსდამთავრებულები ექიმის ფიცს დადებენ. კურსდამთავრებულთა საზეიმო განწყობაზე იზრუნებს ბსუ-ს მუსიკალური ბენდი „OFF SIDE” და „თამადა“.
11 ივლისს, 21:00 საათზე,ბსუ-ს სააქტო დარბაზში ბათუმის შოთა რუსთაველის სახელმწიფო უნივერსიტეტის სტუდენტური თეატრი გამართავს სპექტაკლს „ამიკო". მონაწილეობენ: გიორგი ბოლქვაძე, მელანია ჩხაიძე, მარსი ნემსაძე, ტარიელ კიკვაძე, ბაჩი ფარტენაძე, თორნიკე პაიჭაძე, ლიზა ტაკიძე, ვიკა მჟავანაძე
23-25 ივნისს, ბათუმის შოთა რუსთავერლის სახელმიწფო უნივერსიტეტში იურიდიული ფაკულტეტის დაარსებიდან 30 წლის იუბილე აღინიშნება.
23 ივნისს, 15:00 საათზე, 55-ე აუდიტორიაში ჩატარდება საზეიმო საიუბილეო ღონისძიება, რომელშიც მონაწილეობას მიიღებენ უნივერსიტეტის, სამთავრობო და არასამთავრობო ორგანიზაციების, პარტნიორი ქართული და უცხოური უნივერსიტეტების წარმომადგენლები, სტუდენტები, კურსდამთავრებულები, გაიმართება თანამშრომლების, პარტნიორების, სტუდენტების და კურსდამთავრებულების დაჯილდოების ცერემონია.
22 ივნისს, 11:00-დან 13:00 საათამდე გაიმართება ონლაინ ტრენინგი თემაზე: „ტექნოლოგიების გამოყენება სასწავლო პროცესში“. კურსი საინტერესო იქნება იმ პერსონალისთვის, რომელსაც სურვილი აქვს სწავლების ტრადიციულ მეთოდთან ერთად, გამოიყენონ ონლაინ-ინსტრუმენტები, გაამრავალფეროვნონ სასწავლო პროცესი, სტუდენტებსა და მოსწავლეებს შესთავაზონ განსხვავებული აქტივობები. ტრენინგი შემუშავებულია „ერაზმუს+“-ის ინსტიტუციური განვითარების პროექტის „სწავლების ოპტიმიზაცია და აკადემიური ინკლუზია დისტანციური სწავლისა და სწავლების გამოყენებით“ (LoveDistance) ფარგლებში და მას ერთობლივად გაუძღვებიან პროექტში ჩართული პარტნიორები საქართველოდან.
