გაცნობებთ, რომ 7 ივნისს, 55-ე აუდიტორიაში, 12:15 საათზე, უნივერსიტეტის სტუდენტებთან და პროფესორ-მასწავლებლებთან შეხვედრას გამართავს ევროკავშირის ელჩი საქართველოში, პაველ ჰერჩინსკი. დასწრება თავისუფალია.
2 ივნისს, 14:00 სთ-ზე, ბსუ-ს I კორპუსის მესამე სართულის ფოიეში გაიმართება ბსუ-ს სტუდენტთა, პროფესიული პროგრამების სტუდენტთა და კურსდამთავრებულთა დასაქმების მასშტაბური ფორუმი, სადაც აჭარის ტერიტორიაზე ოპერირებადი 40-მდე დამსაქმებელი კომპანია წარმოადგენს 1000-მდე ვაკანსიას. ბსუ-ს სტუდენტები და კურსდამთავრებულები კი, ერთ სივრცეში მიიღებენ მათთვის საინტერესო კომპანიებთან პირისპირ გასაუბრების და დასაქმების შესაძლებლობას.
ბათუმის შოთა რუსთველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტისა და იურიდიულ და სოციალურ მეცნიერებათა ფაკულტეტის სამართლისა და საჯარო მმართველობის დეპარტამენტის ორგანიზებით #32 აუდიტორიაში გაიმართება შეხვედრა-დისკუსია თემაზე: „საქართველოს სახელმწიფოებრივი დამოუკიდებლობის აღდგენა 1918 წლის 26 მაისი“- წინაპირობები, მნიშვნელობა და შედეგები.
12-14 მაისს, ბსუ-ს აგრარული და მემბრანული ტექნოლოგიების ინსტიტუტის და ქუთაისის აკაკი წერეთლის სახელმწიფო უნივერსიტეტის უწყვეტი განათლების ცენტრის ჩართულობით, აგრარული და მემბრანული ტექნოლოგიების ინსტიტუტის ბაზაზე ჩატარდება ერთობლივი ტრენინგ-მოდული „ეკო განათლება და კვლევითი კომპონენტები საბუნებისმეტყველო მეცნიერებებსა, აგრარულ და მემბრანულ ტექნოლოგიებში“.
ბათუმის შოთა რუსთაველის სახელმწიფო უნივერსიტეტში ევროპის კვირეული გაიმართება. 7-19 მაისს ჩატარდება სტუდენტთა ინტელექტუალური თამაში "რა, სად, როდის?" თემაზე "ევროპა და ევროკავშირი", „ერაზმუს+"-სა და სხვა გაცვლით პროგრამებში მონაწილე სტუდენტებთან შეხვედრა, ბსუ-ს მეოთხე საერთაშორისო კვირეული - STAFF WEEK-ი, საჯარო ლექცია თემაზე: ევროკავშირისა და საქართველოს თანამშრომლობა და სამომავლო პერსპექტივები.
